الماتىدا برازيليالىق دجيۋ-دجيتسۋ مەن گرەپپلينگتەن «Arlan Grip Championship 2019» دەپ اتالتىن اسا ءىرى حالىقارالىق تۋرنير باستالادى.
«رۋحاني جاڭعىرۋ» باعدارلاماسى اياسىندا الماتى قالاسى اكىمدىگىنىڭ قولداۋىمەن ۇيىمداستىرىلىپ وتىرعان ءتۋرنيردىڭ العاشقى كۇنى 4-17 جاس ارالىعىنداعى بالالار مەن جاسوسپىرىمدەر ونەر كورسەتەدى. كەلەسى تاۋلىكتە ەرەسەكتەر مەن ارداگەرلەردىڭ جەكپە-جەكتەرىن تاماشالايمىز. ال ەڭ سوڭعى كۇنى كاسىپقوي سپورتشىلار جارىس كورىگىن قىزدىرادى. وسىلايشا, ءۇش كۇن بويى «الماتى ارەنا» سپورت كەشەنىنە جينالعان جۇرت الىس جانە جاقىن شەت مەملەكەتتەردەن كەلگەن 1300-دەپ اسا شەبەرلەردىڭ قاتىسۋىمەن وتەتىن قىزىقتى باسەكەلەردىڭ كۋاسى بولادى.
قازاقستان رەسپۋبليكاسى برازيليالىق دجيۋ-دجيتسۋ مەن گرەپپلينگ فەدەراتسياسىنىڭ ۆيتسە-پرەزيدەنتى اقمارال قاناتباەۆانىڭ ايتۋىنشا, وسى سپورت ءتۇرىنىڭ باسى-قاسىندا جۇرگەن ازاماتتار ءتۇرلى قايىرىمدىلىق ءىس-شارادان دا قالىس قالىپ جۇرگەن جوق. ماسەلەن, ايتۋلى فەدەراتسيانىڭ قامقورلىعىنىڭ ارقاسىندا الماتى قالاسى مەن الماتى وبلىسىندا ورنالاسقان قوس بىردەي بالالار ۇيىندە وسى سپورت تۇرىنە بەيىمدەلگەن ارنايى زال اشىلىپ, قاجەتتى قۇرال-جابدىقتارمەن قامتىماسىز ەتىلدى. جاس جەتكىنشەكتەردىڭ شەبەرلىكتەرىن شىڭداۋ ماقساتىندا ولارعا بىلىكتى باپكەرلەر بەكىتىلدى. بۇل كۇندەرى بالالار ءۇيىنىڭ ءبىر توپ ۇلدارى مەن قىزدارى سول ۇيىرمەلەردە تەگىن دايارلانۋدا. سولاردىڭ اراسىنان وزىپ شىققاندارى ەرتەڭ الماتىدا جالاۋى جەلبىرەيتىن جارىستا دا ونەر كورسەتەدى.
الماتى