قىزىلورداداعى دوستىق ۇيىندە نەمىس ەتنوسىنىڭ مادەني كۇنى ءوتتى. وبلىستىق قازاقستان حالقى اسسامبلەياسى ۇيىمداستىرعان شاراعا ءتۇرلى ەتنومادەني بىرلەستىك وكىلدەرى, جوعارى جانە ورتا ارناۋلى وقۋ ورىندارىنىڭ ستۋدەنتتەرى قاتىستى.
شارادا قوناقتار ەتنوس وكىلدەرى ازىرلەگەن قولونەر كورمەسىن تاماشالادى. وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى ل.تورەشوۆا بىرلەستىكتىڭ بىرقاتار بەلسەندىسىن ماراپاتتاپ, وڭىردەگى قوعامدىق كەلىسىمدى نىعايتۋ باعىتىنداعى باستامالاردى ءبىر سارالاپ ءوتتى.
- ءار ۇلتتىڭ مادەني كۇندەرى سان ۇلتقا سايا بولعان سىر وڭىرىندەگى ەتنوستار تاريحىن, ولاردىڭ مادەنيەتىن تانىپ-بىلۋگە دەگەن قىزىعۋشىلىقتى ارتتىرا تۇسەدى. دوستىق ۇيىندەگى بۇل شاراعا دا كەلۋشىلەر قاتارى كوپ. ورتالىقتىڭ باسشىسى يرينا شەككە, بىرلەستىك وكىلدەرىنە قوعامداعى بىرلىك پەن كەلىسىمدى نىعايتۋعا قوسقان ۇلەسى ءۇشىن العىس بىلدىرەمىن, - دەدى.
نەمىس ەتنومادەني بىرلەستىگىنىڭ جەتەكشىسى يرينا شەك تەرەڭوزەك كەنتىنەن كەلگەن «دوستىق» ءانسامبلى مۇشەلەرىنىڭ, الەكساندرا كوكشاروۆا مەن كونستانتين لۋتسا سەكىلدى ونەرپازداردىڭ ونەرىنە العىس ايتىپ, ولارعا كوپ الدىندا قۇرمەت كورسەتتى.
مادەني كۇندە ءارتۇرلى جانرلاردا ءان, بي, ولەڭدەر ورىندالدى. «دوستىق» ءانسامبلى مەن «اداجيو» بي ۇجىمى ونەرىن كەلۋشىلەر جوعارى باعالادى.
قىزىلوردا وبلىسى