اتىراۋ پوليتسياسى وتباسىنداعى زورلىق-زومبىلىققا قارسى ناۋقان باستالعانىن مالىمدەدى, - دەپ حابارلادى وڭىرلىك كوممۋنيكاتسيالار قىزمەتى.
«جىل سايىن 25 قاراشادا حالىقارالىق ايەلدەرگە قاتىستى زورلىق-زومبىلىقپەن كۇرەس كۇنى اتالىپ وتەدى. وسىعان بايلانىستى اتىراۋدا «ايەلدەرگە قاتىستى زورلىق – زومبىلىقسىز 16 كۇن» اتتى ناۋقان جاريالاندى. بۇل جىلى ول 25 قاراشادان 10 جەلتوقسان ارالىعىندا وتكىزىلەدى.
-مۇنداعى نەگىزگى ماقسات ايەلدەرگە قاتىستى زورلىق-زومبىلىقتىڭ الدىن الۋ, بالا مەن انانى قورعاۋ, وتباسىنىڭ قوعامداعى ءرولىنىڭ نىعايۋى ءۇشىن قولدانىلاتىن شارالارمەن تۇرعىنداردى تانىستىرۋ. ناۋقان اياسىندا ستۋدەنت جاستار اراسىندا, ءتۇرلى ۇيىمدار مەن كاسىپورىنداردا اقپاراتتىق-ناسيحات جۇمىستارىن وتكىزۋ جوسپارلانعان. ناۋقانعا قاتىساتىن اتىراۋدىڭ داعدارىس ورتالىقتارىنىڭ سەنىم تەلەفوندارى ارقىلى كەڭەستىك-قۇقىقتىق جانە پسيحولوگيالىق كومەك الۋعا بولادى دەيدى پد جەرگىلىكتى پوليتسيا قىزمەتى باسقارماسىنىڭ ايەلدەردى زورلىق-زومبىلىقتان قورعاۋ جۇمىسىن ۇيىمداستىرۋ توبىنىڭ ەتج اعا ينسپەكتورى بيبىگۇل تولەگەنوۆا.
ايتا كەتەيىك, 2019 جىلدىڭ ون ايىندا وتباسىنداعى زورلىق-زومبىلىق دەرەگى بويىنشا 900 – دەن اسا ايەلگە قاتىستى قۇقىق بۇزۋشىلىقتار انىقتالعان.
اتىراۋ قالاسىنىڭ داعدارىس ورتالىعىنىڭ تەلەفون ءنومىرى: 8 (7122) 46-60-60», دەلىنگەن حابارلامادا.