كەشە نازارباەۆ ۋنيۆەرسيتەتىندە «نۇرسۇلتان نازارباەۆتىڭ كوشباسشىلىق ساباقتارى» تاقىرىبىندا Jas Otan ساѕەѕ جاستار سەسسياسى ءوتىپ, تاۋەلسىز قازاقستاننىڭ مەملەكەت بولىپ قالىپتاسۋىنداعى تۇڭعىش پرەزيدەنت ءرولى جانە ونىڭ ساياسي شەشىمدەرى تالقىلاندى.
شاراعا قاتىسقان جوعارى وقۋ ورىندارىنىڭ ستۋدەنتتەرى, كوللەدج ستۋدەنتتەرى, جاستار بىرلەستىكتەرىنىڭ وكىلدەرى, Jas Otan جاستار قاناتىنىڭ بەلسەندىلەرى ەلباسىنىڭ قايراتكەرلىك قىرى مەن جاستارعا ايرىقشا قامقورلىعىنا قاتىستى ويلارىمەن ءبولىستى.
«نۇرسۇلتان نازارباەۆ – ەلىمىزدىڭ استاناسىن كوشىرگەن ۇلى تۇلعا, قايراتكەر. سەبەبى قيىن-قىستاۋ كەزەڭدە, اۋىر ەكونوميكالىق جاعدايدا ول ەلوردانى الماتىدان اقمولاعا كوشىرۋ تۋرالى باتىل شەشىم قابىلدادى. ارينە, بۇل باستاما ۇلكەن سىنعا ۇشىرادى. بىراق ۋاقىت وتە كەلە بۇل باستامانىڭ ستراتەگيالىق ماڭىزى بار ەكەنى دالەلدەندى. بۇگىندە جاڭا قازاقستان استاناسىنىڭ فەنومەنى بۇكىل الەمگە تانىمال. 20 جىل ىشىندە قالا تۋريستەر مەن ينۆەستورلاردى تارتاتىن زاماناۋي مەگاپوليسكە اينالدى. نۇرسۇلتان نازارباەۆتىڭ تاريحي ەڭبەگى ەلىمىزدىڭ كەيىنگى ۇرپاقتارىنا ۇلگى بولۋى ءتيىس», – دەدى Jas Otan جاستار قاناتىنىڭ توراعاسى داۋلەت كارىبەك تىلشىلەرگە بەرگەن سۇحباتىندا.
ءىس-شاراعا قاتىسقان قازاقستاندىق عارىشكەر ايدىن ايىمبەتوۆ, جاس عالىم, دوكتورانت ءاسيا ەرمۇحامبەتوۆا, «اتامەكەن» ۇكپ توراعاسىنىڭ ورىنباسارى ولجاس ورداباەۆ ەلباسى باستامالارى وزدەرىنىڭ ازامات رەتىندە قالىپتاسۋىنا جانە جەكە تۇلعا رەتىندە وسۋىنە ىقپال ەتكەنىن ايتىپ, ءوز ەستەلىكتەرىمەن ءبولىستى. «ەلباسى شاعىن جانە ورتا بيزنەستى ەلدىڭ الەۋەتىن ارتتىراتىن, ەكونوميكاسىنىڭ درايۆەرى بولاتىن قۇرىلىم رەتىندە ايشىقتاپ كورسەتكەن بولاتىن. سونداي-اق جاستار جىلىنىڭ اشىلۋ سالتاناتىندا, ەلباسى «جاس كاسىپكەر», جاستاردى گرانتپەن قولداۋ سەكىلدى بىرنەشە باستاما تۋرالى ايتتى. وسىنىڭ ءبارى ەلباسىنىڭ كاسىپكەرلىككە, اسىرەسە جاستار كاسىپكەرلىگىنە دەگەن ەرەكشە قامقورلىعى مەن سەنىمى دەپ بىلەمىن», – دەدى «اتامەكەن» ۇكپ توراعاسىنىڭ ورىنباسارى ولجاس ورداباەۆ.