اسقار مامين ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى جونىندەگى ديالوگ الاڭى اياسىندا ەۋروپالىق وداققا مۇشە مەملەكەتتەردىڭ ديپلوماتيالىق ميسسيالارىنىڭ باسشىلارىمەن كەزەكتى كەزدەسۋ وتكىزدى. بۇل تۋرالى primeminister.kz حابارلادى.
«تۇڭعىش پرەزيدەنت ‒ ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەۋروپالىق وداق ەلدەرىمەن ىنتىماقتاستىققا ونى قازاقستاننىڭ سىرتقى ساياساتىنىڭ باسىمدىقتى باعىتتارىنىڭ ءبىرى رەتىندە قاراستىرا وتىرىپ, زور كوڭىل بولەدى», — دەدى ا. مامين.
ۇكىمەت باسشىسى ەو-نىڭ قازاقستاننىڭ نەگىزگى ينۆەستورلارىنىڭ ءبىرى ءارى ءىرى ساۋدا سەرىكتەسى ەكەنىن اتاپ ءوتتى. بيىل 6 ايدا ەۋروپالىق وداق قازاقستان ەكونوميكاسىنا $5,4 ملرد-تان استام ينۆەستيتسيا سالدى – بۇل ءبىرىنشى جارتىجىلدىقتاعى تىكەلەي شەتەلدىك ينۆەستيتسيالاردىڭ جالپى اعىمىنىڭ جارتىسىن قۇرايدى. ا.ج. 9 اي ىشىندە ەو-مەن تاۋار اينالىمى $24 ملرد-قا جۋىق بولدى.
اسقار مامين ەۋروپالىق وداق ەلشىلەرىن قازاقستاننىڭ ەو-مەن ساۋدا-ەكونوميكالىق جانە ينۆەستيتسيالىق ىنتىماقتاستىعىن قولداۋ بويىنشا بۇدان ارعى اشىق ءارى بەلسەندى ديالوگقا شاقىردى.
ەۋروپالىق وداق ەلشىلەرى قر پرەمەر-مينيسترىنە ەو-نىڭ جاڭا ايماقتىق ءۇش جوباسىن تانىستىردى: «ورتالىق ازياداعى ينۆەستيتسيالىق قىزمەت كومپونەنتتەرى», «ورتالىق ازيادا حالىقارالىق ساۋدانى قولداۋ» جانە «زاڭنىڭ ۇستەمدىگى ماسەلەلەرى بويىنشا ەو-وا باعدارلاماسى».
تاراپتار قازاقستانداعى ەۋروپالىق كومپانيالاردىڭ قىزمەتىن, ونىڭ ىشىندە تەندەرلەرگە قاتىسۋ مۇمكىندىكتەرى مەن جەرگىلىكتى قامتۋ نورمالارىن تالقىلادى.
كەزدەسۋگە قر-داعى ەو وكىلدىگىنىڭ باسشىسى سۆەن-ولوۆ كارلسسون, گەرمانيا, فرانتسيا, نيدەرلاندى, پولشا, اۆستريا, يسپانيا, ەستونيا, يتاليا, بەلگيا, لاتۆيا, گرەكيا, يسپانيا, حورۆاتيا, رۋمىنيا, سلوۆاكيا, ۆەنگريا, فينليانديا, چەحيا ەلشىلەرى, پورتۋگاليا, بولگاريا وكىلدەرى, ءىرى ەۋروپالىق كومپانيالار مەن «فرانتسيا ‒ قازاقستان» ءسوپ باسشىلارى قاتىستى.