قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنىڭ قارساڭىندا جەزقازعان قالاسىندا ەكى كوپبالالى وتباسى باسپانالى بولدى. بايكەنجينوۆتەر مەن جۇماعۇلوۆتار وتباسىلارىنا جاڭا پاتەرلەردىڭ كىلتىن قالا اكىمىنىڭ ورىنباسارى زينا اقىلبەكوۆا تابىس ەتتى.
تاڭداۋ بۇل وتباسىلارىنا تەگىن تۇسكەن جوق. ماسەلەن, بايكەنجينوۆتەر شاڭىراعىندا التى بالا بار, ونىڭ بىرەۋى 1-ءشى توپتاعى مۇگەدەك. وتاناسى ۇيدە وسى بالانىڭ كۇتىمەن اينالىسادى. ال كەزىندە ەلەكترجەلىلىك كومپانيادا ەلەكترومونتەر بولىپ جۇمىس ىستەگەن وتاعاسى 3-ءشى توپتاعى مۇگەدەك.
التى بالا اسىراپ وتىرعان جۇماعۇلوۆتار وتباسىنىڭ دا جاعدايى ءماز ەمەس-ءتىن. ءبىر ءۇيلى جان «قالالىق اۆتوكولىك جولدارى باسقارماسى» كاسىپورنىندا جۇمىس ىستەيتىن وتاعاسىنىڭ تاپقانىنا عانا كۇنەلتىپ كەلەدى.
جالپى, جەزقازعان قالاسى بويىنشا رەسپۋبليكالىق بيۋدجەتتەن بولىنگەن قاراجات ەسەبىنەن اتالعان ساناتتا كەزەكتە تۇرعاندار ءۇشىن 25 پاتەر ساتىپ الىنعان بولاتىن. جىل سوڭىنا دەيىن ەكىنشى نارىقتا تاعى 5 پاتەر ساتىپ الۋ جوسپاردا بار.
قازىرگى تاڭدا جەزقازعاندا تۇرعىن ءۇي الۋ كەزەگىندە 2457 ادام تۇر. ونىڭ ىشىندە باسپاناعا مۇقتاج 192 كوپبالالى وتباسى بار. 2019 جىلدىڭ سوڭىنا دەيىن قالاداعى 37 كوپبالالى وتباسىن مەملەكەتتىڭ كومەگىنە سۇيەنىپ, باسپانامەن قامتاماسىز ەتۋ جوسپارلانعان.
قاراعاندى وبلىسى