اقتاۋدا قازاق بوكسىنىڭ اتاسى شوقىر بولتەك ۇلىن ەسكە الۋعا ارنالعان ءحىى حالىقارالىق تۋرنير مارەسىنە جەتتى. بوكسشىلار دوداسىنا بەس مەملەكەتتەن 70-تەن اسا سپورتشى قاتىستى. بۇل تۋرالى Olympic.kz حابارلادى.
تۋرنيردە جانكۇيەرلەر مەن باپكەرلەر اسىعا كۇتكەن كەزدەسۋ 75 كەلى سالماق دارەجەسىندە ءوتتى. بۇل سالماقتىڭ فينالدىق سىنىندا بيىلعى ازيا چەمپيونى ءارى الەم چەمپيوناتىنىڭ قولا جۇلدەگەرى تۇرسىنباي قۇلاحمەت پەن 2017 جىلعى الەم چەمپيوناتىنىڭ, ازيا ويىندارىنىڭ كۇمىس جۇلدەگەرى ءابىلحان امانقۇل كەزدەسكەن بولاتىن.
يىعىنىڭ جاراقاتىنا بايلانىستى 2019 جىلعى باستى دودالاردان سىرت قالعان ءابىلحان اقتاۋ تورىندە تۇرسىنباي قۇلاحمەتتى 5:0 ەسەبىمەن تازا جەڭدى.
سونداي-اق 52 كەلىدە ازات ماحمەتوۆ توپ جاردى. 57 كەلىدە پاۆلودارلىق پاۆلودارلىق سەرىك تەمىرجانوۆ التىن السا, 63 كەلىدەگى چەمپيوندىق اتاقتى تاجىكستاندىق باحادور وسمانوۆ يەلەندى.
69 جانە 81 كەلىدە ماڭعىستاۋلىقتار سۇلتان شارشوۆ پەن جەڭىس نۇراس التىن مەدال ەنشىلەدى.
91 كەلىدە بەك نۇرماعانبەت (تۇركىستان), اسا اۋىر سالماقتا مۇحامەدجان ەركىن (اتىراۋ وبلىسى) جەڭىسكە جەتتى.