بۇل تۋرالى ماڭعىستاۋ وبلىسى كىرىستەر دەپارتامەنتىنىڭ ماماندارى «وڭىرلىك كوممۋنيكاتسيالار قىزمەتى» الاڭىندا بولعان بريفينگتە مالىمدەدى.
2016 جىلدىڭ باسىنان باستاپ 10 قىزمەت ءتۇرى بويىنشا, 2018 جىلدان باستاپ ونلاين بكم قولدانۋعا مىندەتتى تۇلعالاردىڭ تىزبەسى كاسىپكەرلىك سۋبەكتىلەرىمەن 17 قىزمەت ءتۇرى بويىنشا تولىقتىرىلدى. 2019 جىلدىڭ قاڭتارىنان باستاپ ونلاين بكم قولدانۋعا كوشۋدىڭ سوڭعى كەزەڭى باستالدى.
قازىرگى ۋاقىتتا ماڭعىستاۋ وبلىسى بويىنشا تىركەلگەن كاسسالار سانى 14 مىڭدى قۇرايدى, ونىڭ ىشىندە ونلاين بكم 13 مىڭى ءىس جۇزىندە قولدانىستاعى كاسسالاردىڭ 93%-ى ونلاين-رەجيمدە جۇمىس ىستەيدى. 2020 جىلدىڭ 1 قاڭتارىنان باستاپ قىزمەتتى پاتەنت نەگىزىندە جۇزەگە اسىراتىن سۋبەكتىلەر جانە بىرىڭعاي جەر سالىعىن تولەۋشىلەر ونلاين بكم قولدانادى. بۇل شامامەن 9 071 سالىق تولەۋشى. ولاردىڭ 178-ءى بۇگىنگى كۇنى باقىلاۋ-كاسسا ماشينالارىن قولدانادى. وسىلايشا, بۇگىنگى كۇنى 8 893 پاتەنششيك پەن شق بكم 2020 جىلدىڭ 1 قاڭتارىنان باستاپ قولدانۋعا مىندەتتى.
باقىلاۋ-كاسسالىق ماشينالاردىڭ مەملەكەتتىك تىزىلىمىنە 85 ونلاين كاسسانىڭ ۇلگىسى ەنگىزىلدى, ونىڭ ىشىندە 15 مودەل بكم-عا قويىلاتىن زاڭنامانىڭ بارلىق تالاپتارىنا جاۋاپ بەرەتىن جانە وتاندىق ازىرلەۋشىلەردىڭ ءونىمى بولىپ تابىلاتىن موبيلدىك قۇرىلعىلاردا جۇمىس ىستەيدى. سونداي-اق سالىق تولەۋشىلەر ءۇشىن ونلاين بكم ەنگىزۋ كەزىندە تىركەۋ ءراسىمى جەڭىلدەتىلەدى. ەندى كاسىپكەر مەملەكەتتىك كىرىس ورگاندارىنا كەلۋ تارتىبىمەن سالىقتىق ءوتىنىش بەرۋ تالاپ ەتىلمەيدى. بكم ونلاين مالىمەتتەرى فيسكالدىق دەرەكتەر وپەراتورىنىڭ سايتى ارقىلى ەلەكتروندى تۇردە بەرىلەدى.
وسى قىزمەتتى كورسەتۋ ناتيجەسىن فيسكالدىق دەرەكتەر وپەراتورىنىڭ جەكە كابينەتى ارقىلى الۋعا بولادى. سونىمەن قاتار, باسەكەلەستىك ورتانى قۇرۋ بويىنشا جۇمىستار جۇرگىزىلۋدە. ەگەر بۇرىن ءبىر عانا وپەراتور — «قازاقتەلەكوم» اق جۇمىس ىستەسە, بۇگىندە فيسكالدىق دەرەكتەر وپەراتورلارىنىڭ فۋنكتسيالارى «ترانستەلەكوم» اق جانە «كار-تەل» جشس بەرىلدى, وسىلايشا كاسىپكەرلىك سۋبەكتىلەرىنە ونلاين بكم دەرەكتەرىن بەرۋ ءۇشىن وپەراتور تاڭداۋ ۇسىنىلادى.
زاڭناماعا سايكەس بكم تەك اقشالاي ەسەپ ايىرىسۋ كەزىندە قولدانىلادى. بۇل قولما-قول اقشا قاراجاتى نەمەسە تولەم كارتالارى, قالعاندارى قولما-قول اقشانى قولدانبايتىن بكم قولدانۋدان بوساتىلادى. سونداي-اق جەكە تۇلعالار مەن ەكىنشى دەڭگەيدەگى بانكتەر بوساتىلادى.