«باتىس» وڭىرلىك قولباسشىلىعىنىڭ اسكەري بولىمدەرىندە ساربازداردىڭ جاۋىنگەرلىك تۋىمەن قوشتاسۋ عۇرىپى ءوتتى. سالتاناتتى شارا كەزىندە 900-گە جۋىق سارباز اسكەري ءبولىمنىڭ ساپتىق الاڭىمەن سوڭعى رەت ءوتتى. بۇل «باتىس» وڭىرلىك قولباسشىلىعى باسقارماسىنىڭ ءباسپاسوز قىزمەتىنەن كاپيتان رۇستەم يگيسينوۆ ايتىپ بەردى.
ساربازداردىڭ اسكەري بولىممەن قوشتاسۋ ءىس-شاراسى سالتاناتتى تۇردە اقتاۋ, اقتوبە جانە اتىراۋ اسكەري بولىمدەرىنىڭ جاۋىنگەرلىك تۋىمەن قوشتاسۋ عۇرىپىمەن اياقتالدى. ءبىر جىل بويى ساربازدار جاۋىنگەرلىك ماماندىقتى مەڭگەرىپ, جاۋىنگەرلىك دايارلىقتا ايتارلىقتاي جەتىستىكتەرگە جەتتى.
سالتاناتتى شىعارىپ سالۋ راسىمىنە اسكەري قىزمەتشىلەردىڭ جاۋىنگەرلىك رۋحىن كوتەرگەن قارۋلى كۇشتەردىڭ ارداگەرلەرى قاتىستى. كومانديرلەردىڭ نانىمى بويىنشا اتالمىش شارا اسكەري داستۇرلەردى قولداپ جانە ساقتاۋعا مۇمكىندىك بەرىپ, ساربازدارعا ابىرويمەن اتقارعان پارىزدارى ءۇشىن ماقتانىش سەزىمىن جوعارىلاتۋعا سەپ بولادى.
وسى ءىس-شاراعا وراي, قىزمەتتىك مىندەتتەرىن ۇلگىلى اتقارعان ساربازدار گراموتارلارمەن, العىس حاتتارمەن, باعالى سىيلىقتارمەن ماراپاتتالدى, ولاردىڭ ەڭ ۇزدىكتەرى اسكەري اتاققا يە بولدى, سولاردىڭ ىشىندە ەفرەيتور اسپانديار ارىستانوۆ بار.
- اسكەردەگى ءبىر جىل, مەن جانە مەنىڭ قىزمەتتەستەرىم ءۇشىن ناعىز ەرلىك پەن دوستىقتىڭ, ءور مىنەزدىلىك پەن قايراتتىلىقتىڭ ەمتيحانى بولدى. بۇگىن بىزدەر كىندىك قانىمىز تامعان ولكەمىزگە ناعىز ەر ازامات بولىپ ورالۋدامىز. بۇنىڭ بارلىعى دەرلىك ءبىزدىڭ كومانديرلەرىمىزدىڭ ارقاسىندا, سول ءۇشىن ولارعا مىڭ العىس, دەدى ەفرەيتور اسپانديار ارىستانوۆ.
اسكەري بولىمدەردەگى قالىپتاسىپ قالعان سالتتارعا سايكەس ساربازدار ساپتىق الاڭمەن سوڭعى رەت شەرۋمەن ءوتتى. ءبىر قىزىعى, مەرزىمدى اسكەري قىزمەتشىلەردىڭ ءبىرازى كەلىسىمشارت بويىنشا اسكەري قىزمەتكە قالۋعا بەل بۋىپ, قارۋلى كۇشتەردىڭ قاتارىندا تۇراقتى تۇردە قالدى, ال كەتىپ بارا جاتقانداردىڭ ورنىن ەلىمىزدىڭ بارلىق ايماقتارىنان كۇزگى شاقىرىلىمنىڭ جاس ساربازدارى تولىقتىرادى.
ماڭعىستاۋ وبلىسى