اقتاۋدا «Zhas Project» جوباسى اياسىندا ايماقتىق فورۋم ءوتتى. «Zhas Project» جوباسىنا ماڭعىستاۋ وبلىسىنان ۇسىنىلعان 1264 جوبانىڭ 321-ءى گرانت ۇتىپ الدى. ماڭعىستاۋ وبلىسىنىڭ اكىمى س.ترۇموۆ قاتىسقان فورۋمدا جوبا اۆتورلارىنىڭ كورمەسى ۇيىمداستىرىلىپ, قاتىسۋشىلار جارتى جىل ىشىندە اتقارعان جۇمىستارىنىڭ ناتيجەسىن جاريا ەتتى.
- بۇگىن بەرەرى مول باستامانىڭ كۋاگەرى بولىپ وتىرمىز. وسىنداي جوبانى ۇيىمداستىرىپ وتىرعان ءبىلىم جانە عىلىم مينيسترلىگىنە العىسىمدى بىلدىرەمىن. سەبەبى, وزدەرىڭىز كۋا بولعانداي, جاستار سان سالا بويىنشا جوباعا قاتىسىپ, بەلسەندىلىك تانىتقان. ارينە, الەۋمەتتىك جوبا بولعاننان كەيىن قانشاما ەڭبەك بار. وسى رەتتە جاستارعا ساتتىلىك تىلەيمىن. ءوز كاسىبىن باستاپ, بولاشاققا قۇرعان جوسپارلارىنىڭ ورىندالۋىنا تىلەكتەسپىن, - دەدى ايماق باسشىسى س.ترۇموۆ.
جاستار كاسىبىنە قولداۋ بەرگەن جوبا ناتيجەسىندە وڭىردە تيپوگرافيا, ءسۇت ونىمدەرىن ازىرلەيتىن ورىن, اعىلشىن ءتىلى وقۋ ورتالىعى, وتاندىق اياق كيىم جانە قولونەر بۇيىمدارىن تىگەتىن شەبەرحانالار اشىلىپ, الەۋمەتتىك از قامتىلعان وتباسىلار مەن مۇمكىندىگى شەكتەۋلى جانداردى جۇمىسپەن قامتىپ وتىر.
فورۋم اياسىندا اۋدان-قالالارداعى جاستار رەسۋرستىق ورتالىعىنىڭ بەلسەندى جەتەكشىلەرى ماراپاتتالدى.
ماڭعىستاۋ وبلىسى