تۇڭعىش پرەزيدەنت - ەلباسىنىڭ توراعالىعىمەن «ۇلكەن ەۋرازيانى قۇرۋ: سەرىكتەستىكتىڭ جاڭا ۇلگىسى» تاقىرىبىندا پلەنارلىق وتىرىس ءوتىپ جاتىر.
شاراعا الەمنىڭ 23 مەملەكەتىنەن گەوساياسات, ەكونوميكا مەن حالىقارالىق قاتىناستار سالاسىنىڭ ساراپشىلارى رەتىندە مويىندالعان 50-دەن استام حالىقارالىق سپيكەر قاتىسۋدا.
قۇرمەتتى مەيمانداردىڭ قاتارىندا 3 بۇرىنعى مەملەكەت باسشىسى, 5 ەكس-پرەمەر-مينيستر, 10 مينيستر جانە 1 نوبەل سىيلىعىنىڭ لاۋرەاتى بار. فورۋمعا قاتىسىپ جاتقان ساراپشىلاردىڭ گەوگرافياسى كەڭ. اتاپ ايتساق, اقش, يسپانيا, يتاليا, رەسەي, جاپونيا, سەربيا, اۆستريا, نورۆەگيا, قىتاي, ءۇندىستان, بەلگيا, اۋعانستان, شۆەتسيا, پورتۋگاليا, وڭتۇستىك كورەيا, ەگيپەت, بانگلادەش, سلوۆەنيا, قىرعىزستان, يران, ۇلىبريتانيا, پاكىستان ەلدەرى بار.
«استانا كلۋبى» وتىرىستارىنىڭ ءبىر بولىگى «Chatham house» ەرەجەلەرىنە ساي وتەدى. تالقىلاۋ جابىق سيپاتتا وتەدى. بۇگىنگى جيىن ەۋرازيا مەن الەمنىڭ ەڭ وزەكتى ماسەلەلەرىنىڭ وتكىر ءارى اشىق تالقىلانۋىنا مۇمكىندىك بەرەدى.