رەسەيدىڭ ومبى قالاسىندا بولعان ىنتىماقتاستىقتىڭ XVI ايماقارالىق فورۋمىندا سولتۇستىك قازاقستان وبلىسىندا اشىلعان «Qyzyljar» ارنايى ەكونوميكالىق ايماعى رەسەيلىك الەۋەتتى ينۆەستورلارعا تانىستىرىلدى.
سولتۇستىك قازاقستان وبلىسىنىڭ اكىمى قۇمار اقساقالوۆ فورۋمعا كەلگەن رەسەيلىك بيزنەسمەندەر مەن كومپانيالاردىڭ باسشىلارىمەن كەزدەسىپ, اەا-نىڭ ارتىقشىلىقتارى مەن جەڭىلدىكتەرى تۋرالى ايتتى. الەۋەتتى ينۆەستورلارعا بەرىلەتىن سالىقتىق جەڭىلدىكتەر مەن وندىرىستىك الاڭدار پەرسپەكتيۆاسى تۋرالى اڭگىمەلەدى.
سونىڭ ىشىندە اۋىل شارۋاشىلىعى ونىمدەرىن وڭدەۋ جانە سينتەتيكالىق ماتەريالدار شىعارۋ سالاسىندا جاڭا جوبالار قولعا الىناتىنى جەتكىزىلدى. رەسەيلىك ينۆەستورلار اراسىنان مۇنداي ۇسىنىستارعا قىزىعۋشىلىقتار ءبىلدىرىلدى.
سونىمەن قاتار وبلىس اكىمى ءۋاليحانوۆ اۋدانىنداعى قيىرشىقتاس كارەرلەرىن اشۋ جانە ونى ومبى وبلىسىنا تاسىمالداۋ ماسەلەلەرى تۋرالى ايتتى. بۇل ءۇشىن ايماقتار اراسىندا جاقىن ارادا تەمىر جول قاتىناستارىن قالپىنا كەلتىرۋ جوسپارى تالقىلاندى. «ەگەر تەمىر جولدى قالپىنا كەلتىرەتىن بولساق, قيىرشىقتاس تاسىمالىن ەسەلەپ ارتتىرامىز. بۇل جاعدايدا رەسەي جاعى ارزان قۇرىلىس ماتەريالىنا, ال قازاقستان جاعى ينۆەستيتسياعا قول جەتكىزەدى. كارەرلەر ىسكە قوسىلسا, ۇلكەن زاۋىتتار سالىنار ەدى. ءسويتىپ وبلىستا مىڭداعان جاڭا جۇمىس ورىندارى اشىلاتىن بولادى», دەدى وبلىس باسشىسى قۇمار اقساقالوۆ.
سولتۇستىك قازاقستان وبلىسى