قوستاناي وبلىسىنىڭ جىتىقارا قالاسىندا ەكى كىشكەنتاي بالا مۇز استىنا ءتۇسىپ كەتىپ, كوز جۇمدى. بۇل تۋرالى قازاقپارات حابارلادى.
قايعىلى وقيعا كەشە بولعان. پوليتسەيلەر جاساندى سۋ قويماسىنان ءۇش بالانى الىپ شىقتى. ولار مۇز ۇستىندە ويناپ جۇرگەندە جۇقا مۇز ويىلىپ, جەتكىنشەكتەر ابايسىزدا سۋعا ءتۇسىپ كەتكەن. كول جانىندا بالالار وينايتىن الاڭ بار.
«كۋاگەر ايەلدىڭ ايتۋىنشا, بالالار قاتتى قورقىپ, بايبالام سالعان. سول كەزدە ءبىر ەر ادام جۇگىرىپ كەلىپ, سۋعا سەكىرىپ, بالالاردى قۇتقارماق بولدى. ول ۋاقىتتا كۋاگەرلەر پوليتسيا مەن جەدەل جاردەمدى شاقىرىپ ۇلگەرگەن بولاتىن. پوليتسەيلەر سۋعا ءتۇسىپ كەتكەن بالالاردىڭ بارلىعىن الىپ شىعىپ, دارىگەرلەرگە تاپسىردى. كولدىڭ تەرەڭدىگى – 2 مەتر», دەلىنگەن حابارلامادا.
الايدا اۋداندىق اۋرۋحاناعا جەتكىزىلگەننەن كەيىن 2014 جانە 2013 جىلى تۋعان ەكى بالا سۋىق ءتيىپ قازا تاپتى. 2011 جىلى تۋعان بالا دارىگەرلەردىڭ باقىلاۋىندا. جاعدايى ورتاشا اۋىر. سونداي-اق بالالاردى قۇتقارۋعا كۇش سالعان 1954 جىلى تۋعان ازامات تا اۋرۋحانادا جاتىر.