قورشاعان ورتانى ءپان رەتىندە وقيدى

مەملەكەتتىڭ ءبىلىم ءمينيسترى لورەنتسو فيورامونتي مەكتەپ وقۋ­شىلارى 2020 قىركۇيەكتەن باس­تاپ قورشاعان ورتانىڭ لاستانۋى, كليماتتىق وزگەرىس, جاھان­دىق جىلۋ سياقتى تاقى­رىپ­تار­دى جال­­پى پاندەرمەن قاتار وقيدى. جا­ڭا باعدارلاماعا ساي, بۇل تاقى­رىپ­­تار 33 ساعاتقا جوس­پار­لان­عان. مي­نيستر­لىك وكى­لى ۆين­چەن­تسو كر­ا­ما­روس­سا بۇل يدەيا­نىڭ نەگىز­گى ماق­ساتى كەلەشەك ۇرپاق­تى كلي­مات­­تىق وزگە­رۋ­دىڭ جاڭالىق­تارى مەن تو­سىن­قۇبى­لىستارىنا وسى باستان دا­يىن­­­داۋ, اقپارات بەرۋ, دەيدى. جاڭا پان­مەن قوسا گەوگرافيا, ماتە­­ماتي­كا, فيزيكا سياقتى جالپى پان­دەر­­دىڭ باع­دارلاماسىنا دا كلي­مات­تىق وزگەرىس تۋرالى اقپاراتتار قوسىلماق.

سونىمەن قاتار مينيسترلىك وكىلدەرى ۆەدومستۆودا جاقىن ارادا تۇبەگەيلى وزگەرىستەر بولاتىنىن حابارلادى. ۆينچەنتسو كراماروسسانىڭ ايتۋىنشا, جاڭا ۇلتتىق باعدارلامانى ازىرلەۋگە كولۋمبيا ۋنيۆەرسيتەتىنىڭ تۇراق­تى دامۋ ورتالىعىنىڭ باسشىسى دجەففري ساكس, امەريكالىق ەكو­نوميست, فيلوسوف دجەرەمي ريف­كين سياقتى كليماتتىق وزگە­رىس تاقىرىبىمەن اينالىساتىن سارا­پشىلار شاقىرتىلعان. «بۇل جوباعا اتالعان سالانى زەرت­تەپ جۇرگەن ازاماتتاردى تارت­تىق. ولار – بۇل تاقىرىپتى تەرەڭ­نەن زەرتتەپ جۇرگەن شىن جاناشىرلار. وسىلايشا يتاليا قورشاعان ورتانىڭ وزگەرۋى تۋرالى ساباقتى مەكتەپ باعدارلاماسىنا ەنگىز­گەن الەمدەگى العاشقى ەل بولادى», دەدى ول.

قورشاعان ورتانىڭ لاستانۋى – الەمدى تولعاندىرعان نەگىزگى ماسەلەلەردىڭ ءبىرى. الايدا يتا­ليا ۇكىمەتىنىڭ مەكتەپ وقۋشى­لارىنا بۇل تاقىرىپتى ءتۇسىن­دىرۋى جاقىندا عانا بۇۇ-نىڭ كلي­ماتتىق وزگەرىستەر تاقىرى­بىنا ارنالعان وتىرىسىندا ءسوز سويلەگەن 16 جاستاعى  ەكوبەل­سەندى گرەتا تۋنبەرگپەن بايلانىس­تى بولۋى مۇمكىن. ول كىشكەن­­تاي كەزىنەن ءوز ەلىندە, ياعني شۆە­تسيا­­دا نارازىلىق اكتسيالارىنا قاتى­سىپ, ءوز زامانداستارىن تا­بي­عات­تى قورعاۋعا شاقىرادى. بيىل قىركۇيەكتە بۇۇ-نىڭ نيۋ-يوركتە وتكەن سامميتىنە قاتىسىپ الەم­دىك كوشباسشىلاردى كلي­مات­تىق وزگەرىستەردى قولعا الۋ­عا, تۇزەتۋگە تىرىسپايتىنىن ايىپ­تاپ, ولاردىڭ كەلەر ۇرپاققا, بو­لا­شاققا ساتقىندىق جاساعانىن ايتقان ەدى.