جەكە جانە زاڭدى تۇلعالاردىڭ وتىنىشتەرىن قاراۋ جۇمىستارى سىبايلاس جەمقورلىققا قارسى قىزمەتتىڭ باسىم باعىتتارىنىڭ ءبىرى بولىپ تابىلادى, دەدى ماڭعىستاۋ وبلىسى وڭىرلىك كوممۋنيكاتسيالار قىزمەتى الاڭىندا وتكەن بريفينگتە سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتى تەرگەۋ باسقارماسىنىڭ اسا ماڭىزدى ىستەر جونىندەگى وفيتسەرى انار ماڭقاتاەۆا.
اعىمداعى جىلدىڭ 9 ايى بويىنشا دەپارتامەنتكە 633 ءوتىنىش كەلىپ تۇسسە, وتكەن جىلدىڭ 9 اي قورىتىندىسىندا 587 ءوتىنىش كەلىپ تۇسكەن, ياعني وتكەن جىلمەن سالىستىرعاندا ازاماتتاردىڭ ءبىزدىڭ ورگانعا سەنىمىنىڭ ارتقاندىعى بايقالادى.
اگەنتتىكتىڭ حالىقپەن تىعىز ءوزارا بايلانىس ورناتۋ ماقساتىندا قۇرىلعان Call-ورتالىعىنا (1424) 26 ءوتىنىش كەلىپ ءتۇسىپ, ونىڭ 2-ءۋى بويىنشا قىلمىستىق ءىس قوزعالعان.
سىبايلاس جەمقورلىق قۇقىق بۇزۋشىلىق فاكتىلەرى ورىن العان جاعدايدا, بارلىق ازاماتتار 1424 ءنومىرى بويىنشا Call- ورتالىققا حابارلاسا الادى جانە ول جونىندە قۇپيالىق قامتاماسىز ەتىلەدى, دەدى ول.