بيىل وبلىس بويىنشا بارلىعى 394 ەسىرتكى-قۇقىقبۇزۋشىلىعى انىقتالعان. بۇل تۋرالى ماڭعىستاۋ وبلىسى پوليتسيا دەپارتامەنتى باستىعىنىڭ ورىنباسارى, پوليتسيا پودپولكوۆنيگى التىنبەك قاليەۆ «وڭىرلىك كوممۋنيكاتسيالار قىزمەتى» الاڭىندا بولعان بريفينگ بارىسىندا ءمالىم ەتتى.
-«زاڭسىز اينالىمنان 197 كگ 865,6 گر ءارتۇرلى ەسىرتكى زاتتارى تاركىلەندى, ونىڭ ىشىندە 630,25 گر اۋىر ەسىرتكى زاتى «گەروين». ەسىرتكى قىلمىستارىن جاساعانى ءۇشىن بارلىعى 278 ادام, ونىڭ ىشىندە اۋىر جانە اسا اۋىر قىلمىستار ءۇشىن – 31 ادام جاۋاپكەرشىلىككە تارتىلدى, دەدى ماڭعىستاۋ وبلىستىق پوليتسيا دەپارتامەنتى باستىعىنىڭ ورىنباسارى.
ال, اۆتوكولىك قۇرالىن ەسىرتكى قولدانعان ماس كۇيىندە جۇرگىزگەنى ءۇشىن 48 اكىمشىلىك قۇقىقبۇزۋشىلىق انىقتالىپ, اكىمشىلىك جاۋاپكەرشىلىككە - 46 تۇلعا تارتىلىپتى.
-قازىرگى ۋاقىتتا زاڭنامالىق دەڭگەيدە ەسىرتكىگە قارسى زاڭ نورمالارىنا وزگەرىستەر ەنگىزۋ ماسەلەلەرى شەشىلۋدە: ەلەكتروندى اقپاراتتىق رەسۋرستاردا ەسىرتكى زاتتارىن جانە پسيحوتروپتىق زاتتاردى دايىنداۋ, ساتىپ الۋ, ساقتاۋ جانە تاسىمالداۋ تۋرالى ۇسىنىستاردى ورنالاستىرۋ. ەكىنشىدەن, ەسىرتكىنى ناسيحاتتاۋ نەمەسە جارنامالاۋ ارقىلى ەسىرتكىنى پايدالانعانى ءۇشىن جاۋاپتىلىقتى ەنگىزۋ, ول ءۇشىن بالاما جازالارمەن قاتار 4 جىلعا دەيىن باس بوستاندىعىنان ايىرۋ قاراستىرىلعان. ەگەر بۇل قىلمىس ەلەكتروندىق اقپاراتتىق رەسۋرستاردى قولدانۋ ارقىلى جاسالعان بولسا, جازا 3 جىلدان 8 جىلعا دەيىن باس بوستاندىعىنان ايىرۋدى قارايدى. بۇل نورمالار ءالى زاڭدى كۇشىنە ەنگەن جوق,- دەدى ا.قاليەۆ.
2019 جىلى بارلىعى 3 ەسىرتكى پريتونى انىقتالىپ, وعان قاتىستى بارلىق تۇلعالار ۇزاق مەرزىمگە قىلمىستىق جاۋاپكەرشىلىككە تارتىلدى. قولدانىلاتىن شارا جاسالعان قىلمىستىڭ اۋىرلىعىنا بايلانىستى. ەسىرتكى زاتىن ءىرى جانە كوپ ەمەس مولشەردە قولدانۋ جانە ساقتاۋ – 300 ايلىق كورسەتكىش كولەمىندە ايىپپۇل نەمەسە 120-دان 240-ساعاتقا دەيىنگى قوعامدىق جۇمىس, نەمەسە 45-تەن 70-تاۋلىككە دەيىن اكىمشىلىك قاماۋدا ۇستاۋ جازاسى قاراستىرىلعان.
ماڭعىستاۋ وبلىسى