2019 جىلى بيۋدجەتتەن 15 ملرد 132 ملن تەڭگە ءبولىندى. ونىڭ 79,2%, ياعني 11 ملرد 986 ملن تەڭگە 4 674 پەداگوگتىڭ (2908-مەكتەپتە, 103 – جەكەمەنشىك مەكتەپتە, 1457-بالاباقاشادا, 206-قوسىمشا ءبىلىم بەرۋ ۇيىمىندا) نەگىزگى جالاقى قورىنا جۇمسالدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە اقتاۋ قالاسىنىڭ اكىمى عالىمجان نيازوۆ ايتتى.
قالادا 10436 بالا قامتىلعان 34 مەملەكەتتىك, 87 بالا قامتىلعان 1 شاعىن ورتالىق, 4078 بالا, ونىڭ ىشىندە 3184 بالا مەملەكەتتىك تاپسىرىسپەن قامتىلعان 45 جەكەمەنشىك, سونداي-اق بارلىعى 14 663 بالا تاربيەلەنىپ جاتقان 80 بالاباقشا بار. 2019 جىلى بارلىعى 235 ورىندى 3 بالاباقشا اشىلدى.
بالاباقشامەن قامتىلعان 3-6 جاس ارالىعىنداعى بالالاردىڭ ۇلەسى 98,1%-عا جەتتى, ياعني 13 869 بالانى قۇرادى.
كەزەكتەگى 3-6 جاس ارالىعىنداعى بالالاردى بالاباقشامەن ءجۇز پايىز قامتۋ ءۇشىن قالادا سالىپ جاتقان كوپقاباتتى ۇيلەردىڭ ءبىرىنشى قاباتىنان 255 ورىندىق جانە 14 ش/ا بۇرىنعى بالالار ينتەرناتىنىڭ عيماراتىنا 280 ورىندىق بالاباقشالار اشۋ جوسپارلانۋدا.
- قالامىزدىڭ مەكتەپكە دەيىنگى ءبىلىم بەرۋ ۇيىمدارىنا كەزەككە تۇرۋدىڭ جانە جولداما بەرۋدىڭ ەلەكتروندى جۇيەسى (ە.OpenMangystau.kz قوسىمشاسى) قوسىلىپ, بۇگىنگى تاڭدا E-gov-پەن ينتەگراتسيا جاساۋ جۇمىستارى جۇرگىزىلۋدە. مامىر-ماۋسىم ايلارىندا مەملەكەتتىك بالاباقشاعا 4000-داي بالا, مەملەكەتتىك تاپسىرىس الىپ وتىرعان جەكەمەنشىك بالاباقشالارعا 1100 بالا جولداندى,- دەدى قالا اكىمى.
ماڭعىستاۋ وبلىسى