ماڭعىستاۋ وبلىسىنىڭ اۋماعىندا 2019 جىلدىڭ باسىنان تۇرمىستا تۇنشىقتىرعىش گازبەن ۋلانۋمەن 3 وقيعا تىركەلدى, ونىڭ ىشىندە 5 ادام زارداپ شەكتى, 1 ادام مەرت بولدى. ال 2018 جىلى 3 وقيعا تىركەلىپ, ونىڭ ىشىندە 5 ادام زارداپ شەكتى جانە 4 ادام مەرت بولدى, ولاردىڭ 2-ءى بالا. بۇل تۋرالى ماڭعىستاۋ وبلىسى توتەنشە جاعدايلار دەپارتامەنتى ءباسپاسوز قىزمەتى حابارلادى.
- تۇنشىقتىرعىش گاز, كومىرتەك مونووكسيدى, كومىرتەك وكسيدى نەمەسە كومىرتەك توتىعى (سو), كوبىنەسە ء«ۇنسىز ءولتىرۋشى» دەپ اتايدى. ۋلى گازدىڭ ءيىسى دە, ءتۇسى دە, ءدامى دە جوق بولعاندىقتان, تىتىركەندىرگىش بولىپ تابىلمايدى جانە اۋامەن وڭاي ارالاسادى, سونداي-اق كەدەرگىسىز تاراتىلادى. ادامداردىڭ تۇنشىقتىرعىش گازبەن ۋلانۋ جاعدايلارىنىڭ الدىن الۋ ماقساتىندا ماڭعىستاۋ وبلىسىنىڭ توتەنشە جاعدايلار دەپارتامەنتىمەن 28 قازان مەن 3 قاراشا ارالىعىندا تۇرعىن ءۇي سەكتورىندا جەرگىلىكتى اتقارۋشى ورگانداردى, Jas Otan جاستار قاناتى, «كازترانسگازايماق» اق قىزمەتكەرلەرىن, «رتسكۋ» جشس جانە باق قىزمەتىنىڭ وكىلدەرىن جۇمىلدىرۋمەن رەيدتىك ءىس-شارالار ءوتتى. اۋلالاردى ارالاۋ جۇمىستارىن جۇرگىزۋ بارىسىندا 1565 تۇرعىن ءۇيدىڭ 5000 تۇرعىنى قامتىلدى, 450 ادامنىڭ قاتىسۋىمەن 30 جيىن وتكىزىلدى. ءورت قاۋىپسىزدىگى بويىنشا 5600 اقپاراتتىق ماتەريالدار تاراتىلدى. بارلىق وتكىزىلگەن ءىس-شارالارعا 200 ادام جۇمىلدىرىلدى, ولار - ازاماتتىق قورعاۋدىڭ, مەملەكەتتىك ەمەس ورتكە قارسى قىزمەتتىڭ قىزمەتكەرلەرى, ەرىكتىلەر, گاز قىزمەتىنىڭ جۇمىسشىلارى, دەيدى ماڭعىستاۋ وبلىسى توتەنشە جاعدايلار دەپارتامەنتى زققا جانە اقسبب قىزمەتكەرلەرى.
تۇرعىنداردىڭ باسىم كوپشىلىگى قىزمەتكەرلەردىڭ جۇمىسىنا تۇسىنىستىكپەن قاراپ, ۇيلەرىنە كىرىپ ءورتتىڭ تۋىنداۋىنا اكەلىپ سوعاتىن كەمشىلىكتەردى قاراپ بەرۋدى سۇراعان جايعدايلار دا بولدى.
ماڭعىستاۋ وبلىسى