اقتاۋدا سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ الدىن الۋ جانە پاراساتتىلىق باسقارماسى باس مامانىنىڭ قاتىسۋىمەن «ماڭعىستاۋمۇنايگاز» جاۋاپكەرشىلىگى شەكتەۋلى سەرىكتەستىگىنىڭ كىزمەتكەرلەرىمەن كەزدەسۋ ءوتتى. بۇل تۋرالى دەپارتامەنتتىڭ ءباسپاسوز قىزمەتى حابارلادى.
دەپارتامەنتتىڭ باس مامانى جاننا شىرتانوۆا ءوز بايانداماسىندا اگەنتتىك پەن دەپارتامەنت تاراپىنان سىبايلاس جەمقورلىقتى بولدىرماۋ جولىندا «ماڭعىستاۋ – ادالدىق الاڭى» جوبالىق كەڭسەسى اياسىندا ارنايى مونيتورينگتىك توبى مۇشەلەرىمەن جۇزەگە اسىرىلعان جۇمىستاردىڭ ناتيجەسىن اتاي وتىرىپ, سىبايلاس جەمقورلىق فاكتىلەرى بويىنشا ستاتيستيكالىق مالىمەتتەرمەن تانىستىردى.
سونىمەن قاتار ءىس-شاراعا اقتاۋ قالالىق بەكەت اتا مەشىتىنىڭ نايب يمامى ءىزدىباي قوبىلانوۆ سىبايلاس جەمقورلىق سالدارىنىڭ قوعامعا تيگىزەر زيانى تۋرالى ايتىپ, ونىڭ تەك قانا زايىرلى زاڭدار ەمەس, سونىمەن بىرگە قاسيەتتى قۇران اياتتارىمەن دە, مۇحاممەد پايعامباردىڭ سۇننەتىمەن دە اسا قاتال تۇردە ايىپتالاتىنىن جەتكىزدى.
كەزدەسۋ ناتيجەسىندە قاتىسۋشىلارعا ارنايى دايىندالعان بەينەروليكتەر كورسەتىلىپ, سىبايلاس جەمقورلىققا قارسى مادەنيەتتى قالىپتاستىرۋ قاجەتتىگى, بۇل زامان تالابى ەكەندىگى, اقپاراتتىق جانە ۇيىمداستىرۋشىلىق سيپاتتاعى بەلسەندى شارالار كەشەنى ارقىلى عانا جۇزەگە اسىرىلاتىنى ايتىلدى.