اقتاۋ قالالىق پوليتسيا باسقارماسىندا ء«دىني ەكسترەميزم جانە ونىڭ الدىن الۋ جولدارى» بويىنشا ماڭعىستاۋ وبلىسى ءدىن ىستەر باسقارماسى, اقپاراتتىق تالداۋ ورتالىعىنىڭ تەولوگ مامانى ابدۋلحاميتوۆ سايدمۇحامماد ۇلىنىڭ پوليتسيا ينسپەكتورلارىمەن وقىتۋ سەمينارى ءوتتى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
كەزدەسۋدە تەولوگ مامانى پوليتسيا قىزمەتكەرلەرىنە ءدىن اعىمىنداعى ەرەكشەلىكتەر, اعىمداردىڭ ءبولىنۋى, ءداستۇرلى ەمەس اعىم جولىنا تۇسكەن جاستاردىڭ توبى مەن سەبەپتەرى تۋرالى ءتۇسىندىرۋ سيپاتىندا جەكە-جەكە تاقىرىپتارعا توقتالىپ, تۇسىندىرمە جۇمىس جۇرگىزدى.
بۇل كەزدەسۋدە ءدىني الاۋىزدىقتى نەمەسە ارازدىقتى تۋدىرۋعا, تەرروريزم مەن ەكسترەميزم يدەيالارىن ناسيحاتتاۋ نىساندارىن, ادىستەرى مەن تاسىلدەرىن اشكەرەلەۋگە باعىتتالعان تەرروريزم مەن ەكسترەميزم يدەيالارىنىڭ قاۋىپتىلىگىن ءتۇسىندىرۋ - باستى ماقسات بولدى.
- ءدىني احۋالى تۇراقتى مەملەكەتتە بەيبىتشىلىك, دوستىق, بىرلىك ورنايتىنى, ول ۇزاققا سوزىلاتىنى بەلگىلى. سوندىقتان دا ءدىني احۋالدى تۇراقتى ۇستاپ تۇرۋ ءۇشىن ناقتى جوسپارمەن ەڭبەك ەتكەن ابزال. سول سەبەپتى دە, قازاقستاندا ءدىني احۋالدى ۇستاپ تۇرۋ ءۇشىن ءتۇرلى ءىس-شارالار وتۋدە. ونىڭ بارلىعى – بەيبىتشىلىكتى, ءدىني الاۋىزدىقتى بولدىرماۋدى كوزدەيدى, - دەيدى ماڭعىستاۋ وبلىسى ءدىن ىستەر باسقارماسى اقپاراتتىق تالداۋ ورتالىعىنىڭ تەولوگ مامانى ابدۋلحاميتوۆ سايدمۇحاممەد.
تەرىس ءدىني اعىمدى ۇستانعانداردى رايىنان قايتارۋدىڭ جولدارى مەن پسيحولوگيالىق قاعيدالار جايىندا پوليتسيا قىزمەتكەرلەرىنىڭ قويعان سۇراقتارىنا تەولوگ مامانى تولىق تۇسىنىك بەردى.