جىل باسىنان بەرى ەلىمىزدە 400 ملرد تەڭگەدەن استام قاراجات ەلەكتروندى اقشا اۋدارۋ جۇيەلەرى ارقىلى ءوتتى. ۇلتتىق بانك وسىلاي دەپ حابارلادى.
2019 جىلعى 9 ايدا ەلەكتروندى اقشا جۇيەلەرىنىڭ ەميتەنتتەرى 436,4 ملرد تەڭگە سوماعا ەلەكتروندى اقشا شىعاردى, بۇل وتكەن جىلعى كورسەتكىشتەن 13,5 %-عا جوعارى.
– قازاقستاننىڭ ەلەكتروندى اقشا جۇيەلەرى ارقىلى 443,5 ملرد تەڭگە سوماعا 117 ملن ترانزاكتسيا جاسالدى. 2018 جىلعى وسى كەزەڭمەن سالىستىرعاندا جۇرگىزىلگەن وپەراتسيا كولەمى 25%-عا ءوستى. بۇل كورسەتكىشكە جەكە تۇلعالار اراسىنداعى اۋدارىم وپەراتسيالارى, سونداي-اق زاڭدى تۇلعالار مەن جەكە كاسىپكەرلەردىڭ تاۋار مەن قىزمەتىنە اقى تولەۋ كىرەدى, – دەيدى ۇلتتىق بانكتىڭ تولەم جۇيەلەرى دەپارتامەنتىنىڭ ديرەكتورى ەرلان اشىقبەكوۆ.
بۇگىنگى تاڭدا ەل نارىعىندا 22 ەلەكتروندى اقشا جۇيەسى جۇمىس ىستەيدى. ولاردىڭ ەميتەنتتەرى – 10 بانك پەن «قازپوشتا» اق. بيىل 5 جاڭا ەلەكتروندى اقشا جۇيەسى ىسكە قوسىلعانىن ايتا كەتەيىك. ولار «Senim», «AlmaPay», «Onay Pay», «Onە Click» جانە «قازەۆروموبايل». ەلىمىزدە ەلەكتروندى اقشا نەگىزىنەن ينتەرنەت-كوممەرتسيادا, كوممۋنالدىق قىزمەتتەردى تولەۋگە, ۇيالى بايلانىسقا, نەسيە وتەۋگە جانە تاعى باسقا قىزمەتتەرگە قولدانىلادى.