سارسەنبى, 15 مامىر 2013 0:53
2013 جىلعى 30 ءساۋىر, استانا, ۇكىمەت ءۇيى
«اقىلى اۆتوموبيل جولدارىن جانە كوپىر وتكەلدەرىن پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاڭتارداعى № 71 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اقىلى اۆتوموبيل جولدارىن جانە كوپىر وتكەلدەرىن پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاڭتارداعى № 71 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 2, 31-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«اقىلى اۆتوموبيل جولدارىن جانە كوپىر وتكەلدەرىن پايدالانۋ قاعيدالارى مەن شارتتارىن بەكىتۋ تۋرالى»;
سارسەنبى, 15 مامىر 2013 0:53
2013 جىلعى 30 ءساۋىر, استانا, ۇكىمەت ءۇيى
«اقىلى اۆتوموبيل جولدارىن جانە كوپىر وتكەلدەرىن پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاڭتارداعى № 71 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اقىلى اۆتوموبيل جولدارىن جانە كوپىر وتكەلدەرىن پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاڭتارداعى № 71 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 2, 31-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«اقىلى اۆتوموبيل جولدارىن جانە كوپىر وتكەلدەرىن پايدالانۋ قاعيدالارى مەن شارتتارىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان اقىلى اۆتوموبيل جولدارىن جانە كوپىر وتكەلدەرىن پايدالانۋ قاعيدالارى مەن شارتتارى بەكىتىلسىن.»;
كورسەتىلگەن قاۋلىمەن بەكىتىلگەن اقىلى اۆتوموبيل جولدارىن جانە كوپىر وتكەلدەرىن پايدالانۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنپزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 30 ساۋىردەگى №428 قاۋلىسىمەن بەكىتىلگەن
اقىلى اۆتوموبيل جولدارىن جانە كوپىر وتكەلدەرىن پايدالانۋ قاعيدالارى مەن شارتتارى
1. جالپى ەرەجەلەر
1. وسى اقىلى اۆتوموبيل جولدارىن جانە كوپىر وتكەلدەرىن پايدالانۋ قاعيدالارى مەن شارتتارى (بۇدان ءارى – قاعيدالار) «اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە اۆتوموبيل جولدارىن باسقارۋ جونىندەگى زاڭدى تۇلعالارعا جانە/نەمەسە كونتسەسسيونەرلەرگە پايدالانۋعا بەرىلگەن قازاقستان رەسپۋبليكاسىنىڭ اقىلى اۆتوموبيل جولدارىن جانە كوپىر وتكەلدەرىن پايدالانۋ ءتارتىبى مەن شارتتارىن ايقىندايدى.
2. وسى قاعيدالاردا زاڭدا كوزدەلگەن ۇعىمدار جانە مىناداي ۇعىمدار پايدالانىلادى:
1) كوپىر وتكەلى – كوپىردى, كوپىرگە كىرەبەرىستى, رەتتەۋ جانە قورعاۋ كۇرىلىستارىن قامتيتىن, سۋ كەدەرگىلەرىن ەڭسەرۋگە ارنالعان ينجەنەرلىك قۇرىلىستار كەشەنى;
2) اقىلى اۆتوموبيل جولدارىن جانە كوپىر وتكەلدەرىن پايدالانۋ -اقىلى اۆتوموبيل جولدارى جانە كوپىر وتكەلدەرى بويىنشا اۆتوكولىك كۇرالدارىنىڭ بەلگىلەنگەن جۇكتەمەلەرىمەن, گاباريتتەرىمەن ۇزدىكسىز, قاۋىپسىز قوزعالىسىن قامتاماسىز ەتۋ جونىندەگى ءىس-شارالاردى جۇزەگە اسىرۋ جانە پايدالانۋ كەزەڭىندە ولاردىڭ كولىكتىك-پايدالانۋ جاي-كۇيىن ۇستاۋ;
3) اۆتوموبيل جولدارىن باسقارۋ جونىندەگى زاڭدى تۇلعا (بۇدان ءارى – زاڭدى تۇلعا) – قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان, اكتسيالارىنىڭ باقىلاۋ پاكەتى مەملەكەتكە تيەسىلى جانە قىزمەتىنىڭ ءمانى جول قىزمەتىن جۇزەگە اسىرۋ بولىپ تابىلاتىن اكتسيونەرلىك قوعام;
4) اۆتوموبيل جولدارىن پايدالانۋشىلار – جول قوزعالىسىنا قاتىسۋشىلار بولىپ تابىلاتىن نەمەسە اۆتوموبيل جولدارىنا بولىنگەن بەلدەۋ مەن جول بويىنداعى بەلدەۋ شەگىندە وزگە دە قىزمەتتى جۇزەگە اسىراتىن جەكە جانە زاڭدى تۇلعالار.
2. اقىلى اۆتوموبيل جولدارىن جانە كوپىر وتكەلدەرىن پايدالانۋ تارتىبى مەن شارتتارى
3. اقىلى اۆتوموبيل جولدارىن جانە كوپىر وتكەلدەرىن پايدالانۋ قازاقستان رەسپۋبليكاسىنىڭ زاڭناماسىنا سايكەس ولاردى جوندەۋ مەن كۇتىپ ۇستاۋ جونىندەگى ءىس-شارالاردى زاڭدى تۇلعانىڭ جانە/نەمەسە كونتسەسسيونەردىڭ ۋاقتىلى قامتاماسىز ەتۋىن كوزدەيدى.
4. قازاقستان رەسپۋبليكاسى ۇكىمەتىنىڭ شەشىمىنە سايكەس اقىلى اۆتوموبيل جولدارى سەنىمگەرلىك باسقارۋ جانە پايدالانۋ ءۇشىن بەرىلگەن زاڭدى تۇلعا جانە/نەمەسە كونتسەسسيونەر اقىلى اۆتوموبيل جولدارى مەن كوپىر وتكەلدەرىن ءتيىستى پايدالانۋ ماقساتىندا:
1) قازاقستان رەسپۋبليكاسىنىڭ زاڭناماسىنا سايكەس اۆتوموبيل جولدارىن پايدالانۋ كەزىندە قاۋىپسىزدىك تالاپتارىنىڭ ساقتالۋىن قامتاماسىز ەتەدى;
2) قىسقى كەزەڭدە اقىلى اۆتوموبيل جولدارىن جانە كوپىر وتكەلدەرىن قاردان تازارتۋدى قامتاماسىز ەتەدى جانە جامىلعىنىڭ تايعاقتىعىنا قارسى شارالار قابىلدايدى;
3) كولىك قۇرالدارىنىڭ ۇزدىكسىز جانە قاۋىپسىز ءجۇرىپ ءوتۋىن جانە تابيعاتتى قورعاۋ زاڭناماسى تالاپتارىنىڭ ساقتالۋىن قامتاماسىز ەتەدى;
4) قازاقستان رەسپۋبليكاسىنىڭ زاڭنامالىق اكتىلەرىنە سايكەس اۆتوموبيل جولدارىن پايدالانۋشىلارعا جول جاعدايلارىنىڭ سەبەپتەرى بويىنشا تۋىنداعان جول-كولىك وقيعالارى كەلتىرگەن زياندى وتەۋ جونىندەگى شارالاردى قابىلدايدى;
5) قازاقستان رەسپۋبليكاسىنىڭ زاڭنامالىق اكتىلەرىنە سايكەس اۆتوموبيل جولدارىنا بولىنگەن بەلدەۋدىڭ فيتوسانيتاريالىق جاي-كۇيىن قامتاماسىز ەتەدى;
6) اۆتوموبيل جولدارىنىڭ بويىندا قورعانىش ەكپەلەرىن كۇتىپ-ۇستايدى;
7) جول ورگاندارىمەن كەلىسىم بويىنشا, جول پوليتسياسى بولىمشەلەرىمەن جانە توتەنشە جاعدايلار جونىندەگى ۋاكىلەتتى ورگانمەن بىرلەسىپ, شۇعىل جاعدايلاردا (قولايسىز اۋا رايى-كليماتتىق جاعدايلار, دۇلەي اپاتتار, ءورت, اۆتوموبيل جولدارىنىڭ كوتەرۋ قابىلەتىنىڭ جويىلۋى), سونداي-اق جوندەۋ-قۇرىلىس جۇمىستارىن جۇرگىزگەن كەزدە بۇل جونىندە جەرگىلىكتى اتقارۋشى ورگانداردى جانە اۆتوموبيل جولدارىن پايدالانۋشىلاردى ءتيىستى جول بەلگىلەرىن قويىپ جانە بۇقارالىق اقپارات قۇرالدارى ارقىلى حاباردار ەتە وتىرىپ, كولىك كۇرالدارى قوزعالىسىن شەكتەيدى نەمەسە توقتادى;
8) دۇلەي مەتەورولوگيالىق قۇبىلىستار مەن تابيعي جانە تەحنوگەندىك سيپاتتاعى توتەنشە جاعدايلاردىڭ سالدارلارىن جويادى;
9) جول پوليتسياسى بولىمشەلەرىمەن ءوزارا ءىس-قيمىل جاساي وتىرىپ, جول-كولىك وقيعالارىنىڭ ەسەبىن جۇرگىزەدى, ولاردىڭ تۋىنداۋىنا ىقپال ەتەتىن سەبەپتەر مەن جاعدايلاردى تالدايدى, ولاردىڭ الدىن الۋ مەن جويۋ جونىندەگى ءىس-شارالاردى ازىرلەيدى;
10) كولىك قوزعالىسىنىڭ جوعارى, قاۋىپسىز جىلدامدىعىن قامتاماسىز ەتۋ ارقىلى ءجۇرىپ ءوتۋدىڭ جوعارى ساپاسىن جانە ونىڭ بۇكىل ءون بويىندا جوعارى سەرۆيستىك قىزمەت كورسەتۋدى قامتاماسىز ەتەدى;
11) جول قوزعالىسىنا قاتىسۋشىلاردى قۇتقارۋ, جول-كولىك وقيعالارى, اۆاريالار, دۇلەي اپاتتار جاعدايلارىندا ولارعا دارىگەرگە دەيىنگى مەديتسينالىق كومەك كورسەتۋ بويىنشا شارالار قابىلدايدى;
12) جول پوليتسياسى بولىمشەلەرىنە جول-كولىك وقيعالارىن تەرگەۋگە جاردەم كورسەتەدى, سونداي-اق ەگەر جول-كولىك وقيعاسى ىلەسپە جول جاعدايلارى بويىنشا بولسا, قىزمەتتىك تەكسەرۋ جۇرگىزەدى;
13) قازاقستان رەسپۋبليكاسىنىڭ زاڭناماسىنا سايكەس جەدەل-ىزدەستىرۋ قىزمەتىن جۇزەگە اسىراتىن ورگاندارعا جاردەم كورسەتەدى;
14) جول قوزعالىسىن ۇيىمداستىرۋدىڭ تەحنيكالىق قۇرالدارىن (قورشاۋلار, جول بەلگىلەرى, جولدى بەلگىلەۋ, باعىتتايتىن قۇرىلعىلار, جارىقتاندىرۋ جەلىلەرى, باعدارشامدار, قوزعالىستى اۆتوماتتاندىرىلعان باسقارۋ جۇيەلەرى) ورناتۋ مەن جوندەۋدى قامتاماسىز ەتەدى;
15) قاجەتتى اقپاراتتىق-كوممۋنيكاتسيالىق جەلىلەرگە قوسۋ ارقىلى اۆتوكولىك قۇرالدارى قوزعالىسىنىڭ مونيتورينگى ءۇشىن ولشەۋ قۇرىلعىلارىن, جابدىقتاردى ورناتۋدى جانە باعدارلامالىق قامتۋدى قامتاماسىز ەتەدى;
16) قازاقستان رەسپۋبليكاسىنىڭ زاڭناماسىنا سايكەس اقىلى اۆتوموبيل جولدارى بويىنشا ءجۇرىپ وتكەنى ءۇشىن اقىنى الۋدى قامتاماسىز ەتەدى.
5. اقىلى اۆتوموبيل جولدارىن جانە كوپىر وتكەلدەرىن كۇتىپ-ۇستاۋ بويىنشا جۇمىستار تۇراقتى نەگىزدە جۇزەگە اسىرىلادى.
6. اۆتوموبيل جولدارى مەن كوپىر وتكەلدەرىن كۇتىپ-ۇستاۋ بويىنشا جۇمىستاردى ۋاقتىلى جۇرگىزۋ ماقساتىندا ولاردى ۆيزۋالدى تەكسەرۋ كۇن سايىن جۇزەگە اسىرىلادى.
7. اقىلى اۆتوموبيل جولدارىنىڭ جانە كوپىر وتكەلدەرىنىڭ پايدالانىلۋىن باقىلاۋدى اۆتوموبيل جولدارى جونىندەگى ۋاكىلەتتى مەملەكەتتىك ورگان جۇزەگە اسىرادى.