«Nur Otan» پارتياسى ماڭعىستاۋ وبلىستىق فيليالى «ۇزدىك باستاۋىش پارتيا ۇيىمى» اتتى رەسپۋبليكالىق كونكۋرسىنىڭ وبلىستىق كەزەڭىن وتكىزدى. بۇل سايىستىڭ ماقساتى - وبلىستىق ىرىكتەۋ كەزەڭىن وتكىزىپ, ءۇش سانات بويىنشا ۇزدىك باستاۋىش پارتيا ۇيىمدارىن انىقتاپ, رەسپۋبليكالىق بايقاۋعا جولداۋ.
كوميسسيا مۇشەلەرى رەتىندە «Nur Otan» پارتياسى ماڭعىستاۋ وبلىستىق فيليالى ۇيىمداستىرۋ-باقىلاۋ جۇمىستارى ءبولىمىنىڭ مەڭگەرۋشىسى م.دوششانوۆ, «Nur Otan» پارتياسىنىڭ ماڭعىستاۋ وبلىستىق فيليالى ساياسي كەڭەسىنىڭ مۇشەسى, ماڭعىستاۋ وبلىستىق ءماسليحاتىنىڭ دەپۋتاتى, «فورتە بانك» ديرەكتورى ا.ورىسباەۆ, جاڭاوزەن پوليتەحنيكالىق كوللەدجىنىڭ ديرەكتورى ت.بولاتباەۆا, پارتيا ارداگەرى ە.ءىڭىرباي ۇلى, «Nur Otan» پارتياسى «جاس وتان» جاستار قاناتى ماڭعىستاۋ وبلىستىق فيليالىنىڭ توراعاسى ب.قۋاندىق, «Nur Otan» پارتياسىنىڭ ماڭعىستاۋ وبلىستىق فيليالىنىڭ ءباسپاسوز حاتشىسى ز.پۋلاتوۆا قاتىستى.
«Nur Otan» پارتياسى ماڭعىستاۋ وبلىستىق فيليالى توراعاسىنىڭ ورىنباسارى ز.ەسبەرگەنوۆا ءوز سوزىندە ۇزدىك باستاۋىش پارتيا ۇيىمدارىن انىقتاۋ, جۇمىستارىن جانداندىرۋ, تىعىز بايلانىستا بولۋ قاجەتتىگىن ايتتى.
ءاربىر كونكۋرسقا قاتىسۋشى بپۇ توراعالارى ءتىزىم بويىنشا ءوز كەزەگىمەن كوميسسيا القاسىنىڭ الدىنا جەكە كەلىپ, باسقارىپ وتىرعان باستاۋىش پارتيا ۇيىمىنىڭ جۇمىستارى تۋرالى بايانداپ, اتقارىلعان جۇمىستاردى دالەلدەيتىن قۇجاتتارىن كورسەتتى, سۇراقتارعا جاۋاپ بەردى.
بپۇ باسشىلارى اراسىندا جاستارمەن بىرگە اجەيلەر دە بار. ماسەلەن, تۇپقاراعان اۋدانى اقشۇقىر اۋىلىنان كەلگەن قاسىموۆا كۇلاش اجەي ەلباسىنىڭ تاپسىرمالارىن, باعدارلامالارىن جۇزەگە اسىرۋعا سەپتىگىن تيگىزىپ جۇرەتىندىگىن ماقتان تۇتادى. وعان قوسا كۇلاش اجەي بپۇ-نىڭ الەۋمەتتىك جەلىلەرىن دە ءوزى جۇرگىزەدى.
- باستاۋىش پارتيالارى «Nur Otan» پارتياسى باعدارمالارىنىڭ حالىققا قايىرىمدىلىعىن, تيىمدىلىگىن جاقسى تۇسىنەدى. «كەدەرگىسىز كەلەشەك», «ارداگەرلەردى ارداقتايىق», «باقىتتى وتباسى» سياقتى باعدارلامالار قوعامعا وتە قاجەت, دەدى ك. قاسىموۆا.
كونكۋرس سوڭىندا كوميسسيا مۇشەلەرى ءار سانات بويىنشا بپۇ-دىڭ بەرگەن اقپاراتتارى مەن قۇجاتتارىن ساراپتاي كەلە كونكۋرس جەڭىمپازدارىن انىقتادى. جەڭىمپازداردى مالىمدەۋ شاراسى الداعى ۋاقىتقا جوسپارلاندى.