قاراقيا اۋدانىنا كوشپەلى سەمينار ۇيىمداستىرىلىپ, انالار مەن بالالاردىڭ دەنساۋلىعى جايلى تىڭدالىم ءوتتى.
- نۋتريتسيولوگيا - بۇل تاماقتانۋدىڭ ءتۇرلى اسپەكتىلەرىمەن بايلانىستى ماسەلەلەردى زەرتتەيتىن عىلىمي ءپان: ازىق-ت ۇلىك قۇرامى, تاماق قابىلداۋ پروتسەسى, تاعامنىڭ ءار ءتۇرلى تۇرلەرىنىڭ ءوزارا ارەكەتتەسۋى, تاعامنىڭ اعزاعا اسەرى. عىلىم ديەتولوگيادان ەرەكشەلەنەدى, ويتكەنى تاماقتانۋ ماسەلەسىن زەرتتەۋگە كەشەندى تۇردە كەلەدى – ادامنىڭ قانداي دا ءبىر ازىق - ت ۇلىكتى تاڭداۋ سەبەپتەرىن زەرتتەۋدەن باستاپ جاسۋشاىشىلىك تاماقتانۋ مەحانيزمىنە دەيىن جانە ولاردىڭ بۇكىل اعزانىڭ دەنساۋلىعىنا اسەرى. فاست-فۋد ونىمدەرىن تۇتىنۋ, راتسيونعا قۇرامىندا كوپ حيميالىق قوسپالارى بار (كونسەرۆانتتار, قوپسىتقىشتار) گەندىك تۇرلەندىرىلگەن ونىمدەر - دۇرىس تاماقتانباۋ سالدارىنان ادام دەنساۋلىعىنا زيان كەلتىرەتىن جاعىمسىز فاكتورلاردىڭ مىسالدارى بولىپ تابىلاتىنىن ەستە ساقتاۋ قاجەت, دەدى سەميناردا مەديتسينا عىلىمدارىنىڭ كانديداتى مايگۇل قاينارباەۆا.
مەديتسينا قىزمەتكەرلەرى دارىگەرگە قاراقيا اۋدانى حالقىنىڭ دەنساۋلىعى تۋرالى اقپارات بەردى, بالا ەمىزەتىن انالار اراسىندا ومىراۋمەن ەمىزۋدىڭ ءوسۋ ءۇردىسى تۋرالى حابارلادى, انا مەن بالا كابينەتىنىڭ جۇمىسى تۋرالى ايتتى.
ەستەرىڭىزگە سالا كەتەيىك, كوشپەلى وقىتۋدى ماڭعىستاۋ وبلىستىق سالاۋاتتى ءومىر سالتىن قالىپتاستىرۋ ورتالىعى «سالاۋاتتى ءومىر سالتىن قالىپتاستىرۋ ماماندارىنىڭ قاۋىمداستىعى» زتب مەن بىرلەسە وتىرىپ, ماڭعىستاۋ وبلىستىق دەنساۋلىق ساقتاۋ باسقارماسىنىڭ تاپسىرماسى بويىنشا ۇيىمداستىردى.