اقتاۋدا العاش رەت جۇرەكىشىلىك ەفي جۇرگىزىلدى

ءبىرىنشى ەمدەلۋشىگە نۇر-سۇلتان ەمحاناسىندا وتا جاساۋ ۇسىنىلدى, ەكىنشى ناۋقاستان «تاحيكارديا» دياگنوزى الىپ تاستالىندى. بۇدان بىلاي جۇرەگى اۋىراتىندار ايماقتان تىس جەردە تەكسەرۋگە تۋرا كەلمەيدى. بۇل تۋرالى ورتالىق كارديوحيرۋرگتارى ايتتى.

دارىگەرلەردىڭ ايتۋىنشا, ەفي دياگنوستيكالىق ماسەلەلەر ءينۆازيۆتى ەمەس ادىستەرمەن شەشىلمەگەن جانە ءارتۇرلى اريتميالاردى انىقتاۋعا ارنالعان جاعدايلاردا جۇرگىزىلەدى. زەرتتەۋ ۇلتتىق عىلىمي-مەديتسينالىق ورتالىقتىڭ اريتمولوگى قۋاندىق سادۋەۆپەن بىرگە جۇرگىزىلدى.

- جۇرەك ىشىلىك ەلەكتروفيزيولوگيالىق زەرتتەۋ كەزىندە ەمدەلۋشىنىڭ ءتۇرلى جۇرەك بولىمدەرىنە كوپ كونتاكتىلى ەلەكترودتار-كاتەتەرلەر ورناتىلادى. ءجيى جۇرەك ىشىلىك ەلەكتروفيزيولوگيالىق زەرتتەۋ اريتميانى وپەراتسيالىق ەمدەۋدىڭ باستاپقى جانە قورىتىندى كەزەڭى بولىپ تابىلادى. ايتا كەتۋ كەرەك, ەندوكارديالدى زەرتتەۋدىڭ دياگنوستيكالىق مۇمكىندىكتەرى وڭەشەدەن ايتارلىقتاي جوعارى. 60 جاستاعى ناۋقاستا زەرتتەۋ جۇرگىزىلگەننەن كەيىن «سۋپراۆەنتريكۋليارلىق تاحيكارديا» دياگنوزى راستالمادى. ال اۋرۋى انىقتالعان 53 جاستاعى ناۋقاس نۇر-Cۇلتان ۇلتتىق عىلىمي-مەديتسينالىق ورتالىعىندا وتادان وتەدى. اقتاۋ استانالىق ەمحانالاردان الىس ورنالاسقاندىعىن ەسكەرسەك, ماڭعىستاۋ وبلىسىندا ەفي وتكىزۋ ماڭىزدى وقيعا, سەبەبى ينتەرۆەنتسيالىق اريتمولوگيانىڭ العاشقى بۋىنى بولىپ تابىلادى. مەملەكەتتىك - جەكە مەنشىك ارىپتەستىك باعدارلاماسىن ەنگىزۋدىڭ ارقاسىندا وبلىستىق دەنساۋلىق ساقتاۋ باسقارماسىنىڭ, ماڭعىستاۋ وبلىسى اكىمدىگىنىڭ, كاسىپكەرلەر پالاتاسىنىڭ قولداۋىمەن ءبىز وڭىردە اريتمولوگيانىڭ دامۋى تۋرالى باتىل ايتا الامىز. ەندى ەفي ءبىزدىڭ ورتالىقتا ەمدەلۋشىلەر ءۇشىن تەگىن. بۇعان دەيىن ماڭعىستاۋدان كەلگەن ەمدەلۋشىلەرگە الماتى, استانا جانە نوۆوسيبيرسك ەمحانالارىندا ەمدەلۋ ءۇشىن كۆوتا رەسىمدەۋگە تۋرا كەلدى, دەپ حابارلادى كارديوحيرۋرگتار.

دارىگەرلەردىڭ ايتۋىنشا, كەنەتتەن جۇرەك ءولىمى جاھاندىق ماسەلە بولىپ وتىر. نەگىزگى سەبەپ جۇرەك ىرعاعىنىڭ كۇردەلى بۇزىلۋى بولىپ تابىلادى.