2020 جىلى مەديتسينالىق كومەككە بولىنەتىن قارجى 45,5 ملرد تەڭگەگە ارتادى

«قارجىنىڭ كوبەيۋىنە مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ەنگىزىلۋى سەبەپ. بيىل قالا بويىنشا تەگىن مەديتسينالىق كومەككە بيۋدجەتتەن 116,8 ملرد تەڭگە بولىنگەن بولاتىن. ال 2020 جىلعا 160,4 ملرد تەڭگە جۇمساۋ جوسپارلانىپ وتىر», - دەدى ت.ابىلداەۆ.

ايتۋىنشا, ساقتاندىرۋ جۇيەسىن ەنگىزۋگە دايىندىق باعىتىندا اۋقىمدى جۇمىس اتقارىلعان. نورماتيۆتىك-قۇقىقتىق بازا جاسالىپ, ءۇش دەڭگەيلى مەديتسينالىق كومەك جۇيەسى بەكىتىلدى, مىندەتتى مەديتسينالىق ساقتاندىرۋدى ەنگىزۋگە قاجەتتى اقپاراتتىق جۇيەلەر ىسكە قوسىلدى.

قازىردىڭ وزىندە قور كەلىسىمشارتتار مەن قوسىمشا كەلىسىمدەردى اۆتوماتتى تۇردە جاساۋعا مۇمكىندىك بەرەتىن فۋنكتسيونالدى قولدانىسقا ەنگىزدى. بيىلعى تامىز ايىنان باستاپ جەكەلەگەن قۇجاتتارعا ەتسق كومەگىمەن قول قويىلىپ جاتىر. ونداعى ماقسات – مەديتسينالىق قىزمەتتەردى ساتىپ الۋ جۇمىستارىنىڭ تيىمدىلىگى مەن اشىقتىعىن قامتاماسىز ەتۋ جانە جەمقورلىق فاكتىلەرىنىڭ الدىن الۋ.

سونىمەن قاتار, دايىندىق بارىسىندا ءوزىن-ءوزى جۇمىسپەن قامتىعان تۇرعىنداردى ساقتاندىرۋ جۇيەسىنە تارتۋ جۇمىستارى دا ءجۇرىپ جاتىر.

«قازىرگى تاڭدا قالادا ستاتۋسى انىقتالماعان 55 مىڭنان استام ازامات تۇرادى. ونىڭ 12 مىڭى – «جالدامالى جۇمىسكەر», 15,6 مىڭى – ء«وزىن-ءوزى جۇمىسپەن قامتىعاندار», 8,8 مىڭى – «رەسمي تىركەلمەگەن جۇمىسسىزدار». بۇگىنگى كۇنگە دەيىن بارلىعى 5,9 مىڭ ادام بىرىڭعاي جيىنتىق تولەم تولەگەن. جىل باسىندا ەنگىزىلگەن جيىنتىق تولەم اتالعان ساناتتاعى ازاماتتاردىڭ بارىنە ءمامس جۇيەسىنە قاتىسىپ, تولىققاندى كومەك الۋعا مۇمكىندىك بەرەدى», - دەدى الماتى قالاسى الەۋمەتتىك ءال-اۋقات باسقارماسى جەتەكشىسىنىڭ ورىنباسارى دانيار الكەباي ۇلى.

ەستەرىڭىزگە سالا كەتسەك, مىندەتتى الەۋمەتتىك مەديتسينالىق ساقتاندىرۋ 2020 جىلدىڭ 1 قاڭتارىنان باستاپ تولىققاندى ىسكە قوسىلادى. باستاپقى ءۇش ايدا ءمامس پاكەتىندەگى قىزمەتتەردى ستاتۋسىنا قاراماستان ەلىمىزدەگى بارلىق ازاماتتار پايدالانا الادى.

الماتى