قىتايدىڭ ۋحان قالاسىندا ۇيىمداستىرىلعان VII جازعى بۇكىلالەمدىك اسكەر ويىندارى ءوز مارەسىنە جەتتى. وليمپيا ويىندارى سياقتى سانالاتىن دوداعا الەمنىڭ 132 مەملەكەتىنەن 8 000 بىلەكتى اسكەري سپورتشى سپورتتىڭ 27 ءتۇرى بويىنشا سىنعا ءتۇستى.
بايراقتى باسەكەدە ەل نامىسىن قورعاعان قازاقستاندىق اسكەري سپورتشىلار سپورتتىڭ 11 ءتۇرى بويىنشا باق سىناپ, جالپى سانى 12 جۇلدە جەڭىپ الدى. اتاپ ايتار بولساق, بوكسشىلاردان تەمىرتاس ءجۇسىپوۆ, اسىلانبەك شىمبەرگەنوۆ, ءۇش قارعىپ سەكىرۋ بويىنشا ولگا رىپاكوۆا, تاەكۆوندودان رۋسلان جاپاروۆ التىن جۇلدە يەلەنسە, بوكسشىلار ءدىلمۇرات ميجيتوۆ, ابزال قۇتتىبەكوۆ جانە بالۋان نۇرقوجا قايپانوۆتار كۇمىس جۇلدەنى قاناعات تۇتتى. ال بالۋان ايدوس سۇلتانعالي مەن گۇلمارال ەركەباەۆا جانە بوكسشىلار تيمۋر نۇرسەيىتوۆ, بايان اقباەۆا, ايات مىرجىقپاەۆ اسكەري ويىندارىنىڭ قولا جۇلدەگەرى اتاندى.
12 جۇلدە جەڭىپ العان وتانداستارىمىز مەدال كەستەسىندە 12-ورىننان كورىندى. جالپىكوماندالىق ەسەپتە قىتاي قۇراماسى 232 مەدالمەن (131 التىن, 64 كۇمىس, 37 قولا) كوش باستادى. رەسەي قۇراماسى 157 جۇلدەمەن (49, 51, 57) ەكىنشى, برازيليا سپورتشىلارى 82 مەدالمەن (20, 29, 33) ءۇ