پاريجدە ءوتىپ جاتقان حالىقارالىق ءتۋرنيردىڭ ىرىكتەۋ سىنىنىڭ جارتىلاي فينالىندا قازاقستاندىق تەننيسشى الەكساندر بۋبليك يتاليالىق اندرەاس سەپپيگە ەسە جىبەردى.
35 جاستاعى اپەننين تۇبەگىنىڭ وكىلى وسى كەزدەسۋدىڭ ءفاۆوريتى سانالدى. سەبەبى, قارسىلاسىنا قاراعاندا ول الدەقايدا تاجىريبەلى. كەزىندە اندرەاس سەپپي الەمدىك رەيتينگتە 18 ساتىعا دەيىن كوتەرىلگەن. اۆستراليانىڭ اشىق بىرىنشىلىگىندە ءتورت رەت ءتورىنشى كەزەڭدە ونەر كورسەتتى. رولان گارروس پەن ۋيمبلدوندا دا سول مەجەگە جەتتى. اتر تۋرنيرلەرىندە ءۇش رەت توپ جاردى.
ارينە, جەرلەسىمىز ونداي ناتيجەلەرىمەن ماقاتانا المايدى. دەسەك تە الەكساندر بۋبليك اندرەاس سەپپيگە بارىنشا قارسىلىق كورسەتتى. بۇل ماتچ 7:6, 7:5 ەسەبىمەن يتاليالىقتىڭ پايداسىنا شەشىلدى.