اۋدانداردى ارالاعان قوعامدىق كەڭەس مۇشەلەرىنىڭ ايتۋىنشا, اۋىلدا, اۋدان ورتالىقتارىندا جاستار تۇراقتاپ قالۋ ءۇشىن-جۇمىس كەرەك, ءۇي كەرەك.
وسى ماسەلە «دوستىق ۇيىندە» وتكەن جيىندا ايتىلدى. وتىرىسقا وبلىس اكىمى بولات باقاۋوۆ, وبلىستىق قوعامدىق كەڭەستىڭ توراعاسى تيتو سىزدىقوۆ پەن كەڭەس مۇشەلەرى, باسقارما باسشىلارى, اۋدان اكىمدەرىنىڭ ورىنباسارلارى قاتىستى.
قوعامدىق كەڭەستىڭ الەۋمەتتىك-مادەني دامۋ ماسەلەلەرى جونىندەگى كوميسسيا ءتورايىمى گۇلبارام ناۋرازباەۆانىڭ ايتۋىنشا, بيىل وڭىردە 1791 جاس تۇراقتى جۇمىسقا ورنالاسسا, 648 مامان اۋىلداردا.
بىراق اقسۋ قالاسى, ۋسپەن, باياناۋىل اۋداندارىندا جاستاردى جۇمىسقا تۇرعىزۋ كورسەتكىشى تومەن ەكەنى انىقتالعان.
- قوعامدىق كەڭەس مۇشەلەرى شارباقتى, ۋسپەن, تەرەڭكول اۋداندارىنىڭ جاستارىمەن كەزدەسۋ وتكىزدى. جاس مامانداردىڭ اراسىندا ساۋالناما جۇرگىزىلىپ, پىكىرلەرىن تىڭدادىق. جاستارعا ءۇي, جۇمىس كەرەك. وسى ورايدا, ساتىپ الۋ قۇقىعىنسىز قىزمەتتىك ۇيلەردى سالۋدى ۇسىنامىز. جاستاردىڭ اۋىلدا تۇراقتاماۋىنا مادەني ورىنداردىڭبولماۋى دا سەبەپ. اۋدان ورتالىقتارىنىڭ وزىندە كەيبىر كىتاپحانالاردا ينتەرنەت جەلىسى جەتپەگەن, - دەيدى گ.ناۋرازباەۆا.
ال, ءوڭىر باسشىسى ب.باقاۋوۆ قىزمەتتىك ۇيگە قاتىستى ءوز ويىن ءبىلدىردى.
- اۋىلدارداعى جەكە مەنشىك كاسىپورىنداردىڭ ماماندارى ءۇشىن بيۋدجەت قاراجاتىنا ءۇي سالىنبايدى. كاسىپكەرلەردى تارتۋعا بولار. مىسالى, «گاليتسكوە» سەرىكتەستىگىنىڭ باسشىسى الەكساندر كاسيتسينگە ءوز اۋىلىندا 10 ءۇي سالۋدى ۇسىندىم. پاتەر قۇنى 10 ملن تەڭگە بولسا, وندا 7 تۇرعىن ءۇيدىڭ قۇنىن بيۋدجەت ەسەبىنەن وتەۋگە بولار ەدى. ال قالعان 3 ءۇي كاسىپورىننىڭ قاراجاتىنا سالىنادى. بىراق, بۇل ۇيلەر وڭتۇستىكتەن, نۇر-سۇلتان قالاسىنان قونىس اۋدارعان تۇرعىندارعابەرىلەدى, - دەدى.
وڭىردە «ەڭبەك» باعدارلاماسى اياسىندا اۋىل جاستارىنا 505 مىڭ تەڭگە كولەمىندە قايتارىمسىز گرانت تا بەرىلەدى. جانە «جاس شەبەر» وڭىرلىك باعدارلاماسى جۇرگىزىلۋدە. بۇل قولداۋ ارقىلى 640 جاس ءوز كاسىبىن اشقان.
باستىسى - باعدارلامالاردىڭ شارتىن حالىققا دۇرىس جەتكىزۋ ءۇشىن اقپاراتتاندىرۋ جۇمىستارىنا اۋدان, اۋىل اكىمدىكتەرىنىڭ بەلسەندىلىگى كەرەك.
وتىرىستا قوعامدىق كەڭەس مۇشەلەرى «جاستار باستامالارىن قولداۋعا ارنالعان» جول كارتاسىن ازىرلەپ, جاس مامانداردىڭ اۋىلدا قالۋىنا جاعدايدى جاساۋ كەرەكتىگىن ايتتى.