وبلىستىق جەر قويناۋىن پايدالانۋ, قورشاعان ورتا جانە سۋ رەسۋرستارى باسقارماسىنىڭ مالىمەتىنشە, وتكەن جىلى وڭىردە جەر قويناۋىن پايدالانۋشى كاسىپورىندار مەملەكەتكە 52,5 ملرد تەڭگە سالىق تولەگەن.
سالىقتىق تۇسىمدەردىڭ نەگىزگى بولىگى بوزشاكول كەن بايىتۋ كومبيناتىنا تيەسىلى.
وبلىس اكىمى بولات باقاۋوۆتىڭ توراعالىعىمەن وتكەن اپپاراتتىق جيىندا جەر قويناۋىن پايدالانۋ ماسەلەلەرى ءسوز بولدى.
بۇگىندە وڭىردە 69 كەن ورنىن يگەرۋ بويىنشا 52 كاسىپورىنمەن كەلىسىمشارت جاسالعان.
كەلىسىمشارتتاردىڭ ناتيجەسىندە قوسىمشا ينۆەستيتسيالار تارتىلىپ, جاڭا جۇمىس ورىندارى اشىلماقشى.
ەگەر بۇل باعىتتاعى جۇمىستار جاقسى جۇرگىزىلسە ءوڭىردىڭ ينۆەستيتسيالىق احۋالىنا وڭ اسەر ەتەرى ءسوزسىز.
جەر رەسۋرستارىن پايدالانۋشىلاردىڭ كوبى ەكىباستۇز قالاسىنىڭ اۋىلدىق اۋماقتارىندا,باياناۋىل, ماي اۋداندارىندا.
بيىل ەلىمىزدىڭ يندۋستريا جانە ينفرا-قۇرىلىمدىق دامۋ مينيسترلىگى ء«بىرىنشى كەلگەن-ءبىرىنشى الادى» قاعيداتى بويىنشا وڭتايلاندىرىلعان تارتىپپەن وبلىس اۋماعىندا جەر قويناۋىن پايدالانۋعا 16 ليتسەنزيا بەرگەن. باسىم بولىگى - قىمبات مەتالدار وندىرەتىن ورىندار.
جيىن بارىسىندا وبلىستا يگەرىلمەي جاتقان 63 كەن ورنى بار ەكەنى ايتىلدى.
ەكىباستۇز قالاسىنىڭ اۋىلدىق اۋماعى,باياناۋىل اۋدانىندا ءتۇرلى كەن مەن كومىر قورى بار 12 كەن ورنى تىركەلگەن.
وبلىس اكىمى بولات باقاۋوۆ يگەرىلمەي جاتقان كەن ورىندارىنا قاتىستى اقپاراتتاردى ينۆەستورلارعا ارنالعان سايتتارعا ورنالاستىرۋدى تاپسىردى.