كونفەرەنتسيا «الاشتىڭ مىرزاعازىسى: قايراتكەرلىك عۇمىرناماسى جانە شىعارماشىلىق مۇراسى» دەگەن تاقىرىپتا ءوتتى. ونىڭ مودەراتورى فيلولوگيا عىلىمدارىنىڭ دوكتورى الماسبەك ابسادىق بۇل الاش كوشباسشىلارىنىڭ ءبىرى مىرزاعازى ەسبولوۆقا ارنالعان ءبىرىنشى شارا ەكەنىن ايتتى.
كونفەرەنتسياعا الاشتانۋشى عالىمدار تۇرسىن جۇرتباي, سۇلتانحان اقق ۇلى كەلدى. سونىمەن قاتار مىرزاعازى ەسبولوۆتىڭ قازاقستاندا, رەسەيدە تۇراتىن ۇرپاقتارى قاتىستى. باستى باياندامانى تۇرسىن جۇرتباي جاسادى. ول مىرزاعازىنى اقتاۋداعى, جالپى الاش تاريحىنا بايلانىستى تۇيتكىلدەر جونىندە اڭگىمەلەدى.
«عاسىر باسىندا پەتەربۋرگتە وتكەن قۇرىلتايدا قازاق جەرىنە رەسەيدەن قونىس اۋدارۋشىلاردى قونىستاندىرۋ جونىندە ماسەلە قارالادى. سوندا ماسەلەنى شىركەۋ كوتەرەدى. ويتكەنى قازاقتاردى جاپپاي شوقىندىرۋعا دايىندىق ءجۇرىپ جاتقان. شىركەۋ وكىلى قازاق جەرىندەگى ءۇش ادامنىڭ ەكەۋى ورىس بولاتىنداي ەتىپ كوشىرۋ كەرەكتىگىن ايتادى. سوندا مىرزاعازى سويلەپ, بۇعان قارسى شىعادى, دالەلدى پىكىرلەرىمەن بەتىن قايتارادى», دەدى تۇرسىن جۇرتباي.
كونفەرەنتسيادا اكادەميك جۇماتاي اليەۆ, سۇلتانحان اقق ۇلى بايانداما جاسادى, مىرزاعازىنىڭ ۇرپاقتارى سويلەپ, الاش ارداقتىسىنىڭ ورالۋىنا قۋانىشىن ءبىلدىردى, دەرەكتەر ايتتى. كونفەرەنتسيا قارارىندا مىرزاعازىنىڭ ەسىمىن ەستە قالدىرۋ, ونىڭ تاۋەلسىزدىك جولىنداعى كۇرەسكەرلىگىن جاس ۇرپاققا ناسيحاتتاۋ ءۇشىن ونىڭ اتىن مەكتەپكە, كوشەگە بەرۋ جونىندە ۇسىنىستار ەنگىزىلدى. تۇستەن كەيىن كونفەرەنتسيا سەكتسيالاردا جالعاساتىن بولادى.
قوستاناي