اقتاۋ قالاسىنداعى №10 جالپى ءبىلىم بەرۋ ورتا مەكتەبىنىڭ ديرەكتورى بەكەس يسپەكەەۆ جانە وقۋشىلار كوشەتتەر وتىرعىزدى. وسىنداي شارالاردى وتكىزۋ ارقىلى مەكتەپ وقۋشىلارى تابيعاتتى ايالاۋدى ۇيرەنىپ, ءاربىر جاقسى ءىستىڭ باسى-قاسىندا ءجۇرۋدى بويعا ءسىڭىرىپ, ۇلگى تۇتارلىق ىستەرىمەن قورشاعان ورتانىڭ جاقسارۋىنا وزدەرىنىڭ ۇلەسىن قوستى.
ەلىمىزدىڭ ەرتەڭى - جاس ۇرپاقتى تاربيەلەۋدە, ءبىلىم بەرۋ مەكەمەسىنىڭ ءرولى ەرەكشە ەكەندىگى ءسوزسىز. قازاقتا «اتاڭنان مال قالعانشا, تال قالسىن» دەگەن ءسوز بار. ءبىلىم ورداسىنىڭ اۋلاسىن تازا ۇستاۋ مەن كوگالداندىرۋدى جۇيەلەندىرۋ ماقساتىندا وسىنداي شارالاردى وتكىزۋدىڭ تاربيەلىك ءمانى زور.
-قازاقتا «تاربيە – تال بەسىكتەن» دەگەن قاناتتى ءسوز بار. بالانى وسى باستان قورشاعان ورتانى ايالاي بىلۋگە باۋلۋىمىز كەرەك. بۇل - تەك قانا ءبىلىم ورداسىنىڭ عانا مىندەتى ەمەس, اتا-انانىڭ دا پارىزى. وسىنداي شارالار ءجيى وتكىزىلىپ تۇرسا, وقۋشىلار قورشاعان ورتانى تانىپ-بىلەتىن بولادى. ءبىزدىڭ مەكتەپتە تابيعاتتى قورعاۋ تۋرالى كوپ ايتىلادى. جالپى ورتامىزدا بەلسەندى وقۋشىلاردىڭ كوپتىگى قۋانتادى, دەيدى بەكەس ءومىرحان ۇلى.
وقۋشىلار وتىرعىزىلعان كوشەتتەردىڭ جايقالىپ ءوسۋى ءۇشىن, باپتاۋدى دا ۇيرەنۋدە. وسىلايشا ءبىلىم ورداسىنىڭ اينالاسىن تازا ۇستاۋ ارقىلى قورشاعان ورتانى تەرەڭىرەك تانۋعا نيەتتى. جالپى كەز-كەلگەن ءبىلىم ورداسىنىڭ جەتىستىگى ءوز ىسىنە جاۋاپتى, ءبىلىمدى, ۇيىمداستىرۋشىلىق قابىلەتى جوعارى, ىسكەر باسشىعا بايلانىستى ەكەندىگى ءسوزسىز. بۇل رەتتە مەكتەپ ديرەكتورىنىڭ ەڭبەگى وراسان ەكەندىگىن ايتا كەتكەن ءجون.
مەكتەپ ىشىندە ء«بىز جانە ەكولوگيا» ستەندى دە ورنالاسقان. «تۇلپار» بالالار شىعارماشىلىق كلۋبىندا بىرنەشە ۇيىرمە بار. وندا وقۋشىلار دومبىرا ستۋدياسى, ريتوريكا, فانتازەرى, كۆللينگ, اشيحارا-كاراتە, English club ۇيىرمەلەرىنە تەگىن قاتىسادى. سونداي-اق, مەكتەپ اۋلاسىندا «Olympus» اكادەميا بالەتى جانە گيمناستيكا زالى جۇمىس جاساپ تۇر. ساباقتان سوڭ بالالار فۋتبول الاڭىندا دوپ تەپكەندى ۇناتادى, باسكەتبولمەن دە اينالىساتىن جاستار از ەمەس.
ايتا كەتۋ كەرەك, مەكتەپ وقۋشىلارى ءتۇرلى سايىستار, وليمپيادالار, سپورتتىق جارىستار, مادەني-ساۋىقتىرۋ شارالارىنان تىس قالماي, بيىك بەلەستەردى باعىندىرىپ ءجۇر. مەكتەپ اۋلاسىن كوگالداندىرۋ مەن تازالاۋ جۇمىستارى ءالى جالعاسىن تاپپاق.