ماڭعىستاۋ وبلىسى توتەنشە جاعدايلار دەپارتامەنتىندە «قۇتقارۋشى كۇنىنە» وراي سالتاناتتى جينالىس وتكىزىلدى. بۇل تۋرالى اتالمىش دەپارتامەنتتىڭ ءباسپاسوز قىزمەتىنەن حابارلادى.
سالتاناتتى جينالىس شەڭبەرىندە تجد-ءنىڭ, باعىنىشتى مەكەمەلەردىڭ قىزمەتكەرلەرى ماراپاتتالدى. سونىمەن قاتار «قۇتقارۋشى كۇنى» شەڭبەرىندە دەپارتامەنتتىڭ جانە قۇرىلىمدىق بولىمشەلەر قىزمەتكەرلەرىنىڭ 5-8, 9-12 جاستاعى بالالارى اراسىندا وتكىزىلگەن «ماماندىعىم –قۇتقارۋشى» سۋرەت بايقاۋى قورىتىندىلانىپ جەڭىمپازدار ديپلومدارمەن جانە سىيلىقتارمەن ماراپاتتالدى.
توتەنشە جاعدايلار كۇندەلىكتى بولىپ جاتادى, ولاردى الدىن الا ءبىلۋ قيىن. بىراق, قۇتقارۋشىلار بارلىق ۋاقىتتا كومەككە كەلۋگە دايىن ادامدار. مەرەكەنى ەنگىزۋدىڭ ءوزى وسى ماماندىقتىڭ قاجەتتىلىگىنىڭ ماڭىزدىلىعىن كورسەتەدى. «قۇتقارۋشى كۇنى» – بۇل باسقا ادامداردىڭ ءومىرىن قۇتقارۋدا ءوز ومىرلەرىن قاتەرگە تىگەتىن ەرجۇرەك, كۇشتى جانە قايسارلى ادامداردىڭ كۇنى. ولار قيراعان قۇرىلىستاردا, تۇتىندە, سۋدا, سۋ باسقان جەرلەردە جۇمىس جاسايدى.
ءوز ومىرلەرىن قاۋىپكە تىگىپ, قۇتقارۋشىلار باسقا ادامداردىڭ ءتىرى قالۋىنا كومەكتەسەدى, بارلىق جاعدايلارعا جەدەل ارەكەت ەتەدى.
-مەرەكە قارساڭىندا بارلىق تج قىزمەتكەرلەرىنە, ولاردىڭ تۋىسقاندارىنا جانە جاقىندارىنا زور دەنساۋلىق, جانۇيالىق اماندىق جانە توتەنشە جاعدايلار تۋرالى دابىلدىڭ از بولۋىن, ءبىزدىڭ وتانىمىزدىڭ قاۋىپسىزدىگى جانە جەتىستىكتەرى ءساتتى بولۋىن تىلەيمىن, دەدى تجد باستىعى ازاماتتىق قورعاۋ پولكوۆنيگى قۋانار بازارباەۆ.