ەلىمىزدە ءيميدجدى قالىپتاستىرۋ, كەڭەس بەرۋ قىزمەتتەرى مەن عىلىمي زەرتتەۋلەرگە جۇمسالاتىن ءتيىمسىز شىعىندار جويىلادى. بۇل تۋرالى ورتالىق كوممۋنيكاتسيالار قىزمەتىنىڭ ءباسپاسوز قىزمەتى حابارلادى.
بيۋدجەتتىك پروتسەستەردى جەتىلدىرۋ بويىنشا قارجى مينيسترلىگى اتقارىپ جاتقان جۇمىستارمەن تانىستىرعان ءمينيستردىڭ ورىنباسارى بيۋدجەت شىعىستارىن تالداۋ جانە وڭتايلاندىرۋ ءىسى ەرەكشە نازارعا الىنىپ ءتيىمسىز شىعىندار قىسقارتىلعانىن ايتتى.
ء«ۇش جىلدىق كەزەڭگە ارنالعان رەسپۋبليكالىق بيۋدجەت جوباسىن قالىپتاستىرۋ كەزىندە 21,340 ملن تەڭگەگە شىعىندار وڭتايلاندىرىلدى, ونىڭ ىشىندە 2020 جىلعا 10,335 ملن تەڭگە عىلىمي جانە عىلىمي-تەحنيكالىق ءىس-شارالاردى قارجىلاندىرۋدى ۇلعايتۋعا باعىتتالعان. تالداۋ ناتيجەلەرى بويىنشا ءتيىمسىز شىعىندار قايتا بولىنەدى. ۇكىمەتتىڭ 56 تاپسىرماسىنىڭ 10-ى 6,4 ملرد تەڭگەگە وڭتايلاندىرىلدى», - دەدى ب. شولپانقۇلوۆ.
سونىمەن قاتار بيۋدجەتتىك زاڭناماعا تۇزەتۋلەر ەنگىزۋ ماسەلەسى دە قاراستىرىلعان. ياعني, بيۋدجەتتىك پروتسەستىڭ كەزەڭدەرىن قايتا قاراۋ قولعا الىنباق. وسىلايشا, شىعىندار ءليميتىن ستراتەگيالىق جوسپارلاردى قۇرۋ ساتىسىندا جۇزەگە اسىرۋ ۇسىنىلادى.
مەملەكەتتىك اۋديت جانە قارجىلىق باقىلاۋ ناتيجەلەرىن ەسەپكە الۋدى ەنگىزۋ ماسەلەلەرى قارالدى. كۆازيمەملەكەتتىك سەكتور سۋبەكتىلەرى شوتىنداعى يگەرىلمەگەن قاراجاتتى قازىناشىلىق بيۋدجەتكە قايتارۋ, سونداي-اق ەسەپ بەرۋدى قامتاماسىز ەتۋ جانە قاجەتتى اناليتيكالىق جۇمىستاردى جۇرگىزۋ ءۇشىن بىرىڭعاي شوتتار ۇعىمىن ەنگىزۋ ماسەلەسى تالقىلاندى.