تاياۋدا ۇلتتىق مۋزەيدىڭ عىلىمي كىتاپحاناسىندا مەملەكەت قايراتكەرى تۇرار رىسقۇلوۆتىڭ تۋعانىنا 125 جىل تولۋىنا وراي «قازاقتىڭ قىزىل جەبەسى» اتتى دوڭگەلەك ۇستەل ءوتتى.
شارا بارىسىندا ت.رىسقۇلوۆتىڭ ءومىرى مەن ەلىمىزگە قوسقان ۇلەسى تۋرالى تىڭ مالىمەتتەر بەرىلىپ, دەرەكتى فيلم كورسەتىلدى. دوڭگەلەك ۇستەلگە جينالعان زيالى قاۋىم ءوز ويلارىمەن ءبولىستى. س.سەيفۋللين اتىنداعى مۋزەي قىزمەتكەرى مۇقيات قويشىباي ءوز سوزىندە: «وتكەنگە قوزعاۋ سالۋ, وتكەنگە ءۇڭىلۋ – تەكتىلىكتىڭ بەلگىسى. بۇگىنگى تاۋەلسىز ەلىمىزدىڭ قالىپتاسۋىنا ەرەن ەڭبەك سىڭىرگەن تۇرار رىسقۇلوۆ سىندى تۇلعالارىمىزدى تانۋ, ءبىلۋ بىزگە امانات. بۇل ءبىزدىڭ تاريحقا, ۇلتقا, وتانىمىزعا كورسەتكەن كىسىلىگىمىز. وسى ورايدا قىنجىلتاتىنى, قازىر بىزدەگى ەڭ كەمشىن تۇس – تۇلعاتانۋ ءىلىمى. تۇلعاتانۋدى مەكتەپ قابىرعاسىنان باستاپ, جوعارى وقۋ ورىندارىندا وقىتساق دەگەن ويىم بار», دەپ جالپى قاۋىمعا ۇسىنىس تاستادى.