ءابىش كەكىلباەۆتىڭ 80 جىلدىعىنا ارنالعان ءى حالىقارالىق «Ábish Álemi» تەاتر فەستيۆالى ءوز مارەسىنە جەتتى. 4 كۇنگە سوزىلعان فەستيۆال بارىسىندا 10 تەاتردان 150 ساحنا شەبەرى ونەر كورسەتتى.
ادىلقازىلار القاسى مۇشەسىنىڭ ءبىراۋىزدان انىقتاعان شەشىمىمەن فەستيۆالگە قاتىسۋشى تەاترلار قويىلىمداردى ۇزدىك ساحنالاعانى ءۇشىن ءى حالىقارالىق «Ábish Álemi» تەاتر فەستيۆالىنىڭ لاۋرەاتى اتاعىن الدى.
فەستيۆالدە م. اۋەزوۆ اتىنداعى قازاق مەملەكەتتىك اكادەميالىق دراما تەاترى ءابىش كەكىلباەۆتىڭ اۋدارماسىنداعى ا.چەحوۆتىڭ «سۇيىكتى مەنىڭ اعاتايىم» دراماسىن, ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترى ءا.كەكىلباەۆتىڭ «كۇي» قويىلىمىن, ج.ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترى ۋ.شەكسپيردىڭ ءا.كەكىلباەۆ اۋدارماسىنداعى «كورول لير» تراگەدياسىن, حورەزم وبلىستىق مۋزىكالىق دراما تەاترى يۋ.يۋسۋپوۆتىڭ «عاشىق عاريب پەن شوحسانام» مۋزىكالىق دراماسىن, لەباپ ۆەلاياتىنىڭ س.سەيدي اتىنداعى مەملەكەتتىك مۋزىكالىق دراما تەاترى ش.ماشاريپوۆتىڭ «داياحاتىن» دراماسىن, ك.حۋدجاندي اتىنداعى مۋزىكالىق كومەديا تەاترى ش.بوشبەكوۆتىڭ مولەر پەساسىنىڭ جەلىسىمەن «لەتايۋششي لەكار» كومەدياسىن, و.ابەليان اتىنداعى ۆانادزور مەملەكەتتىك دراما تەاترى گ.ماركەستىڭ «يا پريشلا تولكو پوزۆونيت» پسيحولوگيالىق دراماسىن, ستامبۋل مەملەكەتتىك تەاترى حالىق اڭىزى جەلىسىمەن «قورقىت بابا» دراماسىن, گ.اليەۆ اتىنداعى ءازىربايجان كاسىبي دراما تەاترى ا.چەحوۆتىڭ «ايۋ» كومەدياسىن, يراننىڭ ب.باربود تەاترى ۋ. شەكسپيردىڭ «كورول لير» تراگەدياسىن ۇزدىك ساحنالادى.
ۇيىمداستىرۋشىلاردىڭ ايتۋىنشا, ەندى حالىقارالىق «Ábish Álemi» تەاتر فەستيۆالى ەكى جىلدا ءبىر رەت وتكىزىلىپ تۇراتىن بولادى.
ماڭعىستاۋ وبلىسى