اقتاۋ قالاسىنداعى «امفيتەاتر» الاڭىندا ماڭعىستاۋ وبلىستىق جەدەل جانە شۇعىل مەديتسينالىق جاردەم ستانتسياسىنا جاڭا كولىكتەردىڭ كىلتتەرى رەسمي تۇردە تابىستالدى. ماڭعىستاۋ وبلىسى اكىمىنىڭ ورىنباسارى ق.جۇماشەۆ «103» قىزمەتىنە 8 سانيتارلىق اۆتوكولىكتىڭ كىلتتەرىن تابىستادى. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسى ءباسپاسوز قىزمەتى حابارلادى.
جاڭا تەمىر تۇلپاردىڭ ەكەۋى وبلىستىق سانيتارلىق اۆياتسياعا قىزمەت كورسەتەتىن بولادى, ال قالعان 6 كولىك اۋداندارعا ۇلەستىرىلەدى. اتاپ ايتقاندا, بەينەۋ اۋدانىنا – 1, بورانقۇل اۋىلىنا – 1, مۇنايلى اۋدانىنا – 2, ماڭعىستاۋ اۋدانىنا – 1, اقشۇقىر اۋىلىنا – 1.
جەدەل جاردەم كولىكتەرى دەنساۋلىق ساقتاۋ مينيسترلىگىمەن بەكىتىلگەن ستاندارتتارعا ساي جانە زاماناۋي قۇرىلعىلارىمەن جابدىقتالعان. جاڭا اۆتوكولىكتەر ناۋقاسقا العاشقى كومەك كورسەتۋگە ارنالعان بارلىق قاجەتتى قۇرالدارمەن تولىقتاي قامتاماسىز ەتىلگەن.
سالتاناتتى شارادا ءسوز العان ايماق باسشىسىنىڭ ورىنباسارى قانىبەك بەكبولات ۇلى وڭىرىمىزدە دەنساۋلىق ساقتاۋ سالاسىنا ەرەكشە كوڭىل بولىنەدى دەپ سەندىردى. الدا وبلىستىق جەدەل جانە شۇعىل مەديتسينالىق جاردەم ستانتسياسى 50 سۋ جاڭا اۆتوكولىكپەن قوسىمشا تولىعادى دەپ كۇتىلۋدە.
ماڭعىستاۋ وبلىسى