ەۋروپا كەڭەسىندە قازاقستان رەسپۋبليكاسى مەن ەۋروپا كەڭەسى اراسىندا سىبايلاس جەمقورلىقپەن كۇرەسەتىن مەملەكەتتەر توبىنا (سجكمت) قازاقستاننىڭ قوسىلۋىنا قاتىستى كەلىسىمگە قول قويۋ ءراسىمى ءوتتى.
سجكمت – 1999 جىلى ەۋروپا كەڭەسىنىڭ باستاماسىمەن قۇرىلعان, وعان قازاقستانعا دەيىن اۋستريا, اقش, ۇلىبريتانيا, گەرمانيا, فرانتسيا, نيدەرلاند, نورۆەگيا, شۆەتسيا, فينليانديا سياقتى 49 مەملەكەت كىرگەن. پوستكەڭەستىك كەڭىستىكتەگى مەملەكەتتەر اراسىنان ازەربايجان, ارمەنيا, بەلارۋس, گرۋزيا, رەسەي, ۋكراينا جانە ەستونيا قاتىسۋدا.
ۇيىمنىڭ الدىنا قويىلعان ەكى باستى مىندەتى – مۇشە مەملەكەتتەردە سىبايلاس جەمقورلىقپەن كۇرەس تاسىلدەرىن جەتىلدىرۋ جانە سىبايلاس جەمقورلىق جاعدايلارىن انىقتاۋ جانە الدىن الۋ سالاسىنداعى وڭ تاجىريبەمەن الماسۋدىڭ بازاسىن جاساۋ.
قازاقستان جاعىنان شاراعا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ قاتىستى. ەۋروپا كەڭەسىنەن باس حاتشىنىڭ ورىنباسارى گابريەللا باتتايني-دراگوني قاتىسىپ, قازاقستاننىڭ سىبايلاس جەمقورلىققا قارسى ساياساتىن ىسكە اسىرۋداعى ءبىرشاما ىلگەرىلەۋشىلىگى مەن ونىڭ باستاپقى ۇسىنىس بەرگەن ساتىنەن باستاپ ورىن العان وڭ وزگەرىستەرىن اتاپ ءوتتى.
«مەن قازاقستاننىڭ جەتىستىكتەرىمەن جانە سجكمت-عا مۇشە مەملەكەتتەرمەن ءتيىمدى ىنتىماقتاسۋعا دايىندىعىن ماقتان ەتەمىن. ءبىز كەلەسى قادامداردى, سونىڭ ىشىندە ءسىزدىڭ ەلدىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياعا قوسىلۋىن تاعاتسىزدانا كۇتەمىن», دەدى.
اليك شپەكباەۆ قازاقستاننىڭ ەۋروپا كەڭەسىمەن جانە ونىڭ قۇرىلىمدارىمەن ونىڭ مۇشەسى بولماي تۇرىپ, 1997 جىلدان باستاپ ىنتىماقتاستىق ورناتقانىن مالىمدەدى. ول: ء«بىز ەرەكشە قىزىعۋشىلىق تۋدىراتىن ماسەلەلەر بويىنشا كەڭەسكە مۇشە مەملەكەتتەرمەن بىرلەسىپ جۇمىس ىستەۋگە مۇمكىندىك بەرەتىن بىرقاتار كەڭەيتىلگەن كەلىسىمدەرگە قاتىسا الامىز», دەپ اتاپ ءوتتى.
اگەنتتىك توراعاسى: «سجكمت-مەن ىنتىماقتاستىق ءبىزدىڭ ەلدىڭ سىبايلاس جەمقورلىققا قارسى بىرىككەن ۇلتتار ۇيىمى (بۇۇ) كونۆەنتسياسىنىڭ تولىققاندى قاتىسۋشىسى رەتىندە ەۋروپالىق كوميسسيانىڭ تۇجىرىمدامالىق قاعيداتتارىن قولدايتىنىمىزدى جانە سىبايلاس جەمقورلىققا قارسى شارالاردى جەتىلدىرۋگە نيەتىمىزدى بىلدىرەدى. سجكم-عا قوسىلۋ بىزگە سىبايلاس جەمقورلىققا قارسى ءىس-قيمىلدا ەۋروپالىق ۇزدىك تاجىريبەنى قابىلداۋعا جول اشادى», دەپ اتاپ كورسەتتى.
جۇمىس كەزدەسۋى بارىسىندا سجكمت اتقارۋشى حاتشىسى دجانلۋكا ەسپوزيتو: «قوسىلۋ كەلىسسوزدەرى ءساتتى اياقتالدى. وسى بەدەلدى باستاماعا 50-ءشى قاتىسۋشى رەتىندە قوسىلاتىن قازاقستاننىڭ كەلىسىمدى تەزدەتىپ راتيفيكاتسيالاۋىن كۇتەمىز» (قوسىلۋعا شاقىرۋ 2013 جىلى جەلتوقساندا جولدانعان بولاتىن), دەدى.
سجكمت تاراپىنان مونيتورينگ راسىمدەرى اياقتالعان ساتتە اگەنتتىك باسقا مەملەكەتتىك ورگاندارمەن بىرلەسىپ, حالىقارالىق كونۆەنتسيالاردى, سونىمەن قوسا سىبايلاس جەمقورلىقپەن كۇرەس جونىندەگى 20 باستى قاعيدانى ەسكەرە وتىرىپ, ەۋروپالىق ەلدەردىڭ تاجىريبەسىنە نەگىزدەلگەن سىبايلاس جەمقورلىققا قارسى زاڭنامانى جەتىلدىرۋ بويىنشا ۇسىنىمداردى ىسكە اسىرۋعا باسىمدىق بەرەتىن بولادى.
قازاقستانعا قول قويىلعان كەلىسىمدى راتيفيكاتسيالاۋ قاجەت, وعان سايكەس سجكمت وكىلدەرى مەن باعالاۋ توپتارىنىڭ مۇشەلەرىن جەكە قاماۋدان, جۇكتى ۇستاۋدان جانە تاركىلەۋدەن, اۋىزشا جانە جازباشا وتىنىشتەر ءۇشىن قۋدالاۋدان قورعاۋ يممۋنيتەتى قاراستىرىلعان.
بۇل – راسىمدەر حالىقارالىق الاڭداعى قالىپتى ستاندارت. سجكمت اتىنان باسقا ەلدەردى باعالاۋ ۇردىسىنە تارتىلاتىن قازاقستاندىق ساراپشىلارعا دا وسىنداي يممۋنيتەت بەرىلەدى.
سجكمت-عا قوسىلۋ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسيانى راتيفيكاتسيالاۋعا مۇمكىندىك بەرەدى. بۇل كەلەشەكتە قۇقىقتىق كومەك كورسەتۋ, قىلمىسكەرلەردى ەكستراديتسيالاۋ جانە ولار زاڭسىز يەمدەنگەن م ۇلىكتى قايتارۋ ماسەلەلەرى بويىنشا ەۋروپا ەلدەرىمەن ىنتىماقتاستىقتى نىعايتۋعا مۇمكىندىك بەرەدى جانە حالىقارالىق تەرگەۋ تاپسىرمالارى بويىنشا جۇرگىزىلەتىن ەۋروپا مەملەكەتتەرىنىڭ اۋماعىنداعى جەدەل ىزدەستىرۋ شارالارىنا قازاقستاننىڭ قۇقىق قورعاۋ ورگاندارى قىزمەتكەرلەرىنىڭ قاتىسۋىنا نەگىز بولادى.