اقتاۋداعى ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرستيەتىندە قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ وكىلى ارمان بەردالين جانە ەتنو ديزاينەر ىرزا تۇرسىنزادا جانە اۋماقتىق دەپارتامەنت باسشىسىنىڭ ءبىرىنشى ورىنباسارى سەرىك قانىبەكوۆ ستۋدەنت جاستارمەن كەزدەستى. بۇل تۋرالى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىستىق دەپارتامەنتى ءباسپاسوز قىزمەتى حابارلادى.
باسقوسۋدا ءسوز العان ا.بەردالين اگەنتتىكتىڭ ءبىلىم سالاسىن نازاردان تىس قالدىرماي, مەكتەپتەردەگى «ادال ۇرپاق» ەرىكتى مەكتەپ كلۋبتارىنىڭ, جوعارى وقۋ ورىندارىنداعى «سانالى ۇرپاق» جوبالىق كەڭسەلەرىنىڭ جۇمىستارىن قاداعالاپ وتىراتىندىعىن, اتالعان جوبالار ارقىلى ءاربىر وكەلەڭ جاس ۇرپاقتىڭ بويىنا ادالدىق پەن پاراساتتىلىق ءدانىن ەگىپ, بولاشاق ەلىنىڭ وتانسۇيگىش ۇرپاعىن تاربيەلەۋ دەپ اتاپ كورسەتتى.
قازاقتىڭ ۇلتتىق ونەرىن دارىپتەپ جۇرگەن ى.تۇرسىنزادا ءوز اڭگىمەسىن جاستارعا سونىڭ ىشىندە قىز بالالارعا ارنادى. بولاشاقتىڭ ار-نامىسى قىزدىڭ قولىندا, ەر ادام ازاماتتى تاربيەلەيدى, ايەل ادامزاتتى تاربيەلەيدى دەي كەلە, ستۋدەنت جاستارعا ادالدىق –پاراساتتىلىقتىڭ باستاۋى ەكەنىن ءتۇسىندىرىپ, ءاربىر ازاماتتىڭ رۋحىن كوتەرىپ, نامىسىن بيىكتەتەر رۋحاني اڭگىمەسىمەن جالعاستىردى.
اگەنتتىك وكىلى, ايتىسكەر اقىن ا.بەردالين «مەملەكەتتى اربا دەپ قارايتىن بولساق, اربانىڭ جىلجۋىنا 5 ءتۇرلى كۇش توبى اسەر ەتەدى. ءبىرى العا سۇيرەسە, كەيىنگى توپ يىعىمەن دەمەپ اربانىڭ ودان ءارى جىلجۋىنا ۇلەسىن قوسادى, ەندى ءبىرى وسى اربامەن دىتتەگەن جەرىنە جەتۋدى ويلاسا, ءتورتىنشىسى كەدەرگى جاساپ, بوگەتتەر كويۋمەن اۋرە, بەسىنشى توپ سىرتتاي باقىلاپ, سىناۋشى رەتىندە قاتىسادى» دەپ, اعا بۋىن مەن كەيىنگى بۋىن اراسىندا ۇرپاقتار ساباقتاستىعى جالعاسىپ, ءادىل دە ادال كوزقاراستا بولىپ, اركەزدە مەملەكەتكە دەمەۋ بولار ازامات بولىپ وسۋلەرىنە سەنىمدەرىن ءبىلدىردى.ەركىن فورماتتا وتكەن كەزدەسۋدى جاستار جىلى قابىلداپ, ءوز ويلارىن اشىق ءبىلدىرىپ, جۇرەكجاردى ۇسىنىس-پىكىرلەرىمەن ءبولىستى.