«اس اتاسى - نان» دەپ بابالارىمىز ايتقانداي بارلىق تاعامنىڭ باسىندا نان تۇرارى ءسوزسىز. ويتكەنى نان – توقشىلىق پەن بەرەكەنىڭ, جاقسىلىق پەن بارشىلىقتىڭ نىشانى.
«داستارحانىندا نانى جوقتىڭ, ءۇيىنىڭ ءسانى جوق» دەمەكشى ءبىزدىڭ حالقىمىز نانعا ەرەكشە قۇرمەت كورسەتىپ, قيقىمىنا دەيىن اياق استى ەتپەي, قاستەرلەي بىلەدى.
قازاقستان استىقتى ەل ەكەنى بەلگىلى. قولىمىزدا شيكىزات پەن قاجەتتى ءوندىرىس قۇرالدارى بار.سوندىقتان نان ءپىسىرۋ مەن استىق وڭدەۋ سالاسىن دامىتۋدىڭ ءبىز ءۇشىن ستراتەگيالىق ماڭىزى زور.ەلىمىزدە استىق وسىرۋدەن باستاپ, نان ءوندىرىپ, ونى وتكىزۋگە دەيىنگى پروتسەستەرمەن ون مىڭداعان ادام اينالىسادى.
جىل سايىن رەسپۋبليكانىڭ ناۋبايحانالارى شامامەن 700-720 مىڭ توننا نان وندىرەدى. بۇل ەلىمىزدىڭ ىشكى قاجەتتىلىگىن ءوز ءوندىرىسىمىز ەسەبىنەن قامتاماسىز ەتۋگە مۇمكىندىك بەرەدى.
بارلىق نان ءپىسىرۋ كاسىپورىندارىن بۇگىنگى نان كۇنى مەرەكەسىمەن قۇتتىقتاپ, ءدامدى دە ءتاتتى ءارى پايدالى نان ءپىسىرىپ وتىرعان بارشا ناۋبايشىلارعا ەرەكشە قۇرمەت بىلدىرەمىن.
ەلىمىزگە اماندىق, حالقىمىزعا تىنىشتىق تىلەيمىن. لايىم نان كوپ بولىپ, ءاردايىم توقشىلىق زامان بولسىن» دەدى, س.وماروۆ.