قازاننىڭ 2-نەن باستاپ 13-نە دەيىن مۋمباي قالاسىندا ء(ۇندىستان) 14, 16, 18 جاسقا دەيىنگى جىگىتتەر مەن قىزدار اراسىندا شاحمات بويىنشا الەم چەمپيوناتى ءوتتى. بۇل تۋرالى Prosports.kz حابارلادى.
چەمپيونات شۆەيتسارلىق جۇيە بويىنشا وتكەن جانە الەمنىڭ 65 مەملەكەتىنەن 500-گە جۋىق مىقتى شاحماتشىلار جينالعان. قازاقستان چەمپيوناتىندا ءوز جاسىنداعى ىرىكتەۋدەن وتكەن 9 سپورتشى قازاقستان قۇراماسى اتىنان قاتىسقان.
ءبىزدىڭ سپورتشىلار ءبىر التىن جانە ءبىر كۇمىس مەدال جەڭىپ العان. ءبىزدىڭ قۇراماعا التىن مەدال اكەلگەن 14 جاسقا دەيىنگى قىزدار اراسىندا استانالىق شاحماتشى مەرۋەرت كاماليدەنوۆا, كۇمىس - نازەركە نۇرعالي (قىزىلوردا ق.). الدىعا تەك رەسەي جانە ءۇندىستان قۇرامالارىن جىبەرىپ, ارتتا كوپتەگەن الەمنىڭ مىقتى كوماندالارىن قالدىرىپ, كوماندالىق ەسەپتە ءبىزدىڭ كوماندا ءۇشىنشى كوماندالىق ورىندى يەلەندى.