پارلامەنت سەناتىنىڭ توراعاسى, قازاقستان رەسپۋبليكاسىنىڭ تۇڭعىش پرەزيدەنتى قورىنىڭ ديرەكتورى داريعا نازارباەۆا نۇر-سۇلتاندا ءوتىپ جاتقان قاتەرلى ىسىكپەن كۇرەس كوشباسشىلارىنىڭ دۇنيەجۇزىلىك ءسامميتى اياسىندا بىرقاتار كەزدەسۋلەر وتكىزدى. بۇل تۋرالى پارلامەنت پالاتاسىنىڭ ءباسپاسوز قىزمەتى حابارلادى.
جوعارعى پالاتا باسشىسى يوردانيا حاشيميت كورولدىگىنىڭ پاتشايىمى, قاتەرلى ىسىكتى حالىقارالىق باقىلاۋ وداعىنىڭ پرەزيدەنتى دينا ميرەدپەن كەزدەستى. تاراپتار تۇڭعىش پرەزيدەنت قورىنىڭ جانە كورول حۋسەيننىڭ وبىرمەن كۇرەس قورىمەن ىنتىماقتاستىق مۇمكىندىكتەرىن تالقىلادى.
«تۇڭعىش پرەزيدەنت قورى دەنساۋلىق ساقتاۋ جانە جاستاردىڭ عىلىمي زەرتتەۋلەرىمەن بىرگە ءتۇرلى باعىتتارداعى جوبالاردى قارجىلاندىرادى. قوردىڭ ديرەكتورى رەتىندە ءبىزدىڭ ۇيىمداردىڭ ىنتىماقتاستىق مۇمكىندىكتەرىن قاراستىرۋدى ۇسىنامىن. ءبىز ونكولوگيا ماسەلەلەرىن زەرتتەۋ سالاسىنداعى جۇمىسىمىزدى كۇشەيتۋگە ىقىلاستىمىز», - دەدى داريعا نازارباەۆا.