پارلامەنت سەناتىنىڭ توراعاسى داريعا نازارباەۆا بۋركينا-فاسونىڭ ءبىرىنشى حانىمى ادجوۆي سيكا كابورەمەن كەزدەستى. كەزدەسۋ نۇر-سۇلتاندا ءوتىپ جاتقان قاتەرلى ىسىكپەن كۇرەس كوشباسشىلارىنىڭ دۇنيەجۇزىلىك ءسامميتىنىڭ اياسىندا بولدى.
سەنات توراعاسى كەزدەسۋ بارىسىندا قازاقستاندا ونكولوگيالىق اۋرۋلارمەن كۇرەس بويىنشا قابىلدانىپ جاتقان شارالار تۋرالى ايتتى. د.نازارباەۆانىڭ ايتۋىنشا, ەلباسىنىڭ تاپسىرماسى بويىنشا 2018-2022 جىلدارعا ارنالعان جوعارى تەحنولوگيالىق مەديتسينالىق قىزمەتتەرگە قولجەتىمدىلىكتى ۇلعايتۋ, دياگنوستيكا مەن ەمدەۋدىڭ يننوۆاتسيالىق ادىستەرىن ەنگىزۋ, كادرلىق رەسۋرستاردى دامىتۋ, ونكولوگيا سالاسىنداعى ىرگەلى جانە قولدانبالى عىلىمي زەرتتەۋلەردىڭ كەشەندى جوسپارى بەكىتىلگەن بولاتىن.
ادجوۆي سيكا كابورە ءوز كەزەگىندە ازاماتتاردىڭ دەنساۋلىعىن ساقتاۋ بويىنشا بىرلەسكەن جۇمىستىڭ ماڭىزدىلىعىن اتاپ ءوتتى. ءبىرىنشى حانىم ونكولوگيالىق اۋرۋلارعا قارسى كۇرەس سالاسىنداعى قازاقستاننىڭ تاجىريبەسىن ۇيرەنۋگە ازىرلىكتەرىن ءبىلدىردى.