قازاقستان رەسپۋبليكاسى مەن رەسەي فەدەراتسياسى اراسىنداعى ىنتىماقتاستىق جونىندەگى ۇكىمەتارالىق كوميسسيانىڭ XXI وتىرىسى نۇر-سۇلتان قالاسىندا 15 قازاندا ءوتتى. جيىنعا قازاقستاندىق تاراپتان پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءاليحان سمايىلوۆ, رەسەيلىك تاراپتان — رف ۇكىمەتى توراعاسىنىڭ ءبىرىنشى ورىنباسارى - قارجى ءمينيسترى انتون سيلۋانوۆ قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
وتىرىس بارىسىندا ساۋدا-ەكونوميكالىق ىنتىماقتاستىق, وتىن-ەنەرگەتيكالىق كەشەنى, اتوم ەنەرگياسىن بەيبىت پايدالانۋ, ونەركاسىپ, كولىك, اۋىل شارۋاشىلىعى, دەنساۋلىق ساقتاۋ, قورشاعان ورتانى قورعاۋ, ءبىلىم جانە عىلىم, الەۋمەتتىك-ەڭبەك قاتىناستارى, اقپاراتتىق تەحنولوگيالار, مادەنيەت, تۋريزم, وڭىرارالىق جانە شەكارا ماڭى ىنتىماقتاستىعىن دامىتۋ, سونداي-اق ەكى ەلدىڭ ىسكەر توپتارىنىڭ ءوزارا قارىم-قاتىناسى سالاسىنداعى ماسەلەلەر تالقىلاندى.
قازاقستان مەن رەسەي مەملەكەتارالىق بايلانىستاردىڭ بارلىق سپەكترى بويىنشا ەكىجاقتى ءوزارا ءىس-قيمىلدىڭ جوعارى دەڭگەيىنە يە. بۇل ىنتىماقتاستىقتى نىعايتۋ ماقساتىندا مەملەكەت باسشىلارى مەن وزگەدە ءتۇرلى دەڭگەيلەردە كەزدەسۋلەر ءوتىپ تۇرادى.
ساۋدا-ەكونوميكالىق ىنتىماقتاستىق جوسپارلى تۇردە دامىپ كەلەدى. رەسەي قازاقستاننىڭ باستى ساۋدا سەرىكتەسى سانالادى (ەلىمىزدىڭ سىرتقى ساۋدا اينالىمىنداعى رەسەيدىڭ ۇلەسى ‒ 19,5%).
2018 جىلى قازاقستان رەسپۋبليكاسى مەن رف اراسىنداعى ءوزارا ساۋدا كولەمى $18,5 ملرد قۇرادى, بۇل 2017 جىلعا قاراعاندا 13,1%-عا جوعارى ($16,4 ملرد). وسى جىلدىڭ 8 ايىنىڭ قورىتىندىسى بويىنشا ءبىزدىڭ ەلدەرىمىز اراسىنداعى ءوزارا ساۋدا كولەمى 0,8%-عا ارتىپ, $12,2 ملرد قۇرادى (2018 ج. 8 اي ‒ $2,1 ملرد).
جيىن قورىتىندىسى بويىنشا قازاقستان ‒ رەسەي ۇكىمەتارالىق كوميسسياسىنىڭ 21-وتىرىسىنىڭ حاتتاماسىنا قول قويىلدى.
ۇاك كەلەسى 22-وتىرىسىن 2020 جىلى رەسەي فەدەراتسياسىندا وتكىزۋ شەشىمى قابىلداندى.