«الماتىدا قالا اكىمىنىڭ قولداۋىمەن «رۋحاني جاڭعىرۋ» باعدارلاماسى جانە «جاستار جىلى» اياسىندا «تەكتى ءسوزدىڭ تورەسى – تەرمە» قالالىق بايقاۋى ءوتىپ جاتىر, دەپ حابارلايدى» الماتى قالاسى اكىمدىگىنىڭ ءباسپاسوز ءبولىمى.
بايقاۋدىڭ ماقساتى - حالىق اراسىندا ۇلتتىق مۇرامىزعا جانە رۋحاني قۇندىلىقتارىمىزعا دەگەن قىزىعۋشىلىقتى ارتتىرۋ.
بايقاۋدا قالامىزدىڭ سەگىز اۋدانىنان 24 تەرمەشى باق سىنادى. قاتىسۋشىلار ءوز بىلىمدەرى مەن شەبەرلىكتەرىن وتان, ەل بىرلىگى جانە ءتىل تاقىرىبىندا اۋەلەتتى.
«ۇلكەن جاقسى بايقاۋ بولىپ جاتىر. باق شابا ما, باپ شابا ما كورەرمىز. تەرىپ العان دۇنيەنى تەرمە دەيدى عوي. ءوزىمىزدىڭ ءداستۇرلى ءانىمىزدى, جىرىمىزدى, حالىق اندەرىمىزدى ناسيحاتتاي بەرەيىك», - دەدى قاتىسۋشى امانجول داۋىلباەۆ
كومەيىنە بۇلبۇل ۇيالاعان ونەرپازداردىڭ شەبەرلىگىنە ءتىل ماماندارى مەن جىرشى-تەرمەشىلەر تورەلىك ەتۋدە.
«بايقاۋدىڭ نەگىزگى ماقساتى – اسىرەسە, جاستار اراسىندا ءسوز ونەرىن, ونىڭ ىشىندە قازاقتىڭ ۇلتتىق تەرمە ونەرىن ناسيحاتتاۋ. سول ارقىلى ءبىزدىڭ شۇرايلى, قاسيەتتى قازاقتىڭ باي ءتىلىن ناسيحاتتاۋ», دەدى الماتى قالاسى اكىمدىگى اپپاراتىنىڭ تىلدەردى دامىتۋ جانە لاتىن گرافيكاسىنا كوشۋ ورتالىعىنىڭ باس ينسپەكتورى باقىت ءابيىر ۇلى.
بەلگىلى جىرشى-تەرمەشىلەر بالانىڭ مەكتەپكە العاشقى قادامى ۇلتتىق قۇندىلىعىمىز تەرمەدەن باستالۋى كەرەك دەگەن پىكىردە. باستاۋىش سىنىپتا تەرمە تىڭداپ وسكەن بالانىڭ بولاشاعىنا ۇلكەن ءۇمىت ارتۋعا بولادى دەيدى.
ء«بىز تىڭداۋشىنى مەكتەپ قابىرعاسىنان قالىپتاستىرۋىمىز كەرەك. سەبەبى, بىزدە مۋزىكا مەكتەبى مەكتەپ قابىرعاسىندا باياعى سوۆەتتىك جۇيەمەن قالىپ قويعان. ويتۋگە بولمايدى. ەگەمەندى ەل بولدىڭ با ءوزىڭنىڭ تاريحىڭدى, ءوز تامىرىڭدى تانۋىڭ ءۇشىن سەن بىرىنشىدەن حالىق اندەرىمەن وسسە مەكتەپتە ءبىزدىڭ ون جىلدان كەيىن تىڭدارمانىمىز دايىن دەگەن ءسوز», دەدى ءداستۇرلى ءانشى تىلەۋلەس قۇرمانعاليەۆ.
بايقاۋ جۇلدەگەرلەرى مەن جەڭىمپازدارىنا ارنايى ديپلوم مەن قوماقتى قارجىلاي سىيلىق تابىستالادى. جۇزدەن جۇيرىك جەڭىمپاز رەسپۋبليكالىق بايقاۋعا جولداما الادى.