ماڭعىستاۋدا سىبايلاس جەمقورلىققا قارسى ءىس-قيمىل اگەنتتىگىنىڭ وكىلى ارمان بەردالين جانە رەسپۋبليكالىق ارنايى مونيتورينگ توبىنىڭ مۇشەسى, قازاقستان رەسپۋبليكاسى پرەزيدەنتىنىڭ «التىن ساپا» سىيلىعىنىڭ, «قۇرمەت» وردەنىنىڭ يەگەرى, رەسەي مەملەكەتىندە ەڭ العاشقى رەسەي ەتنو كوۋوركينگىن اشقان ەتنو ديزاينەر ىرزا تۇرسىنزادانىڭ كەلۋىنە وراي, وبلىس اكىمدىگىندە كەزدەسۋ ۇيىمداستىرىلدى.
شاراعا وبلىس اكىمى س.ترۇموۆ, وبلىس اكىمى ورىنباسارلارى ق.جۇماشەۆ جانە ءا. قىراۋباەۆ, قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى س.قانىبەكوۆ قاتىسسا, وڭىردەگى قالا, اۋدان اكىمدىكتەرى بەينەكونفرەنتسيا بايلانىسى ارقىلى قاتىستى.
ايماق باسشىسى پرەزيدەنتتىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنىڭ باسىم باعىتتارىن ىسكە اسىرۋ ماقساتىندا اتقارىلىپ جاتقان جۇمىستار بارىسىمەن تانىستىرىپ ءوتتى.
ءوز سوزىندە ارمان بەردالين ورتالىق دەڭگەيدە قولعا الىنعان جوبالارعا جانە جىل باسىنان بەرى رەسپۋبليكا بويىنشا سىبايلاس جەمقورلىق دەرەكتەر بويىنشا ستاتيستيكالىق مالىمەتتەرگە توقتالىپ, سىبايلاس جەمقورلىققا قارسى ءىس-قيمىلدى ءتيىمدى جۇرگىزۋ ءۇشىن, قوعامدا سىبايلاس جەمقورلىققا قارسى مادەنيەتتى قالىپتاستىرۋدىڭ ماڭىزدىلىعىنا توقتالىپ ءوتتى.
رەسپۋبليكالىق ارنايى مونيتورينگتىك توبىنىڭ مۇشەسى ىرزا تۇرسىنزادانىڭ پىكىرىنشە, ۇلت بولىپ ۇيىسۋدىڭ باستى تەتىگى - رۋحاني تاربيە, ياعني ادامزاتتىڭ بويىندا ادامگەرشىلىك, ادىلدىك, ادالدىق, پاراساتتىلىق سياقتى قاسيەتتەردى قالىپتاستىرۋ. سوندا عانا سىبايلاس جەمقورلىق سياقتى تەرىس قۇبىلىستىڭ قوعام ومىرىندە جولى كەسىلەدى.
كەزدەسۋ سوڭىندا وبلىس اكىمى سەرىكباي ترۇموۆ بارشا مەملەكەتتىك قىزمەتشىلەردى ءادىل بولۋعا شاقىرىپ, ءار قىزمەتشى وزگەرىستى وزىنەن باستاۋ كەرەكتىگىن ايتىپ ءوتتى.