سىرتقى ىستەر ءمينيسترىنىڭ ورىنباسارى ر.ۆاسيلەنكو قۇرمەتتى قوناق رەتىندە ءۇندىستاننىڭ تەحنيكالىق جانە ەكونوميكالىق ىنتىماقتاستىق باعدارلاماسى – ITEC (Indian Technical and Economic Cooperation) كۇنىن اتاپ ءوتۋ ءىس-شاراسىنا قاتىستى. بۇل تۋرالى ءسىم ءباسپاسوز قىزمەتى حابارلادى.
ءوز سوزىندە ءسىم باسشىسىنىڭ ورىنباسارى ITEC شەڭبەرىندە ءتۇرلى سالالار بويىنشا (اقپاراتتىق تەحنولوگيالار, اعىلشىن ءتىلى, كيبەرقاۋىپسىزدىك, مەديتسينا جانە ت.ب.) قازاقستاندىق ماماندار ءۇشىن ۇسىنىلىپ وتىرعان كۋرستاردىڭ ماڭىزدىلىعى مەن وزەكتىلىگىن اتاپ ءوتىپ, بۇل باعدارلاماعا كەلەشەكتە قازاقستان مەن ءۇندىستان اراسىنداعى ىنتىماقتاستىقتى تەرەڭدەتۋدە ساتتىلىكتەر تىلەدى.
ءۇندىستاننىڭ قازاقستانداعى ەلشىسى پ.كۋمار حابارلاعانداي, 1964 جىلى قۇرىلعان ITEC-ءتىڭ ءتۇرلى كۋرستارى ارقىلى 1990 جىلداردان 2019 جىلعا دەيىن 1020 قازاقستان ازاماتتارى ءبىلىم العان.