جەتىسۋ – وڭتۇستىك پەن شىعىستى جالعايتىن كوپىر

قالاي بولعاندا دا, وبلىستا قىزۋ ءجۇرىپ جاتقان, ەلىمىزدىڭ وڭتۇستىگى مەن شى­­­عىسىن جال­عايتىن تران­زيت­­تىك ءدالىز بو­يىنداعى قا­زىرگى كەدەرگىلەر ۋا­قىت­شا قيىندىق قانا. ويت­كەنى ءوڭىر ارقىلى وتەتىن 312 شاقىرىمدىق «تال­دىقورعان – وسكەمەن» اۆتو­جولى مەن ۇزىندىعى 184 شاقىرىم بولاتىن ء«ۇشارال-دوستىق» اۆتوجولىن سالۋ جوسپارعا سايكەس الداعى 3 جىلدىڭ ىشىندە اياق­تالۋعا ءتيىس. ودان ءارى اۆتو­باننىڭ قۇرىلىسى شى­عىس قازاقستان وبلى­سىنىڭ اۋما­عىندا جال­عاسادى.

ال ىشكى جولداردىڭ دەنىنە كۇردەلى جوندەۋ جا­­سالىپ, كوبىسى جاڭادان تو­سەلگەن ەكەن. ماسەلەن,  اي­ماق­تاعى 17 اۋدان­ مەن 2 قا­­لانىڭ تىنىس-تىر­شىلىگىنە جان ءبىتىرىپ تۇرعان قوزعالىس وزەگى ىسپەتتى ىشكى جول­دىڭ جال­پى ۇزىندىعى 6138,6 شاقىرىمدى قۇرايدى. وت­كەن جىلى وسى ىشكى قا­تىناس جو­لى­نىڭ ساپاسىن ساراپتاعان ماماندار, جول ساپاسى 78,1 پايىزعا جاق­ساردى دەگەن شەشىم شى­­عاردى.

جالپى, الماتى وبلىسىن­دا جەرگىلىكتى ماڭىز­دا­عى جولداردى سالۋ مەن جون­دەۋ­گە جىل سايىن 30 ملرد تەڭگەگە جۋىق قار­جى بولىنەدى. ال بيىل ىش­كى جولدارداعى قاۋىپ­سىز جانە ءۇزىلىسسىز قوزعا­لىستى قام­­تاماسىز ەتۋ ماق­ساتىنا 17 359,815 ملن تەڭ­گە قاراس­تىرىلعان. ونىڭ ىشىن­دە 6 374,117 ملن تەڭگە – رەس­پۋب­لي­كالىق بيۋدجەتتەن, قال­عان 10 985,698 ملن تەڭگەسى جەر­گىلىكتى بيۋدجەتتەن بولىنگەن. ەندى وسى قار­جىعا ايماقتاعى 23 شاقىرىم جولدى قايتا سالۋ مەن جاڭعىرتۋ جۇمىستارى ءجۇرىپ جاتىر.

ايتپاقشى, الماتى قالاسى مەن تالدىقورعان قالاسىنا دەيىنگى 270 شاقىرىمعا جۋىق كۇرەجول الەمدىك ستاندارتقا ساي سالىنىپ, جولاۋشىلارعا قىزمەت كورسەتۋدە. ال «قورعاس – شىعىس قاقپا» ارنايى ەكو­نوميكالىق اۋماعىنان باستالاتىن اۆتوكولىك جولى ەلىمىزدىڭ باتىسىنا قاراي جالعاسىپ, كۇنشىعىس پەن باتىس ەۋروپانى جاقىنداتا ءتۇستى.

كۇرەجولدىڭ ەكونوميكا­لىق كىرىس كوزى رەتىندە قالىپ­تا­سۋىنىڭ دالەلىن وبلىس اۋماعىندا ەكى باعىت بويىن­شا اقىلى تراسسانىڭ ىسكە قوسى­لۋىن ايتۋعا بولادى. جىل باسىندا الماتى – قاپشاعاي, الماتى – قورعاس تاس جولى اقىلى قىزمەت كورسەتۋگە كوشتى. قازىر كو­لىك يەلەرى الماتى قا­لا­سىنان قاپ­شاعاي قالاسىنا دەيىنگى 42 شاقىرىم جولدى ءجۇرىپ وتكەنى ءۇشىن 200 تەڭگە كولەمىندە اقى تولەيدى. ءدال وسىنداي ءادىس الماتى قالاسى مەن «قورعاس» شەكارا ماڭى ىنتىماقتاستىق ورتالىعى اۋماعىنا دەيىنگى كولىك دالىزىنە دە قولدانىلۋدا.

ۇلكەن الماتى اينالما كولىك جولى قۇرىلىسىنىڭ باس­تالۋى دا  الماتى وبلىسىنىڭ اۋماعىنداعى جولداردىڭ دامۋىنا قوسىلعان سۇبەلى ۇلەس بولماق. جۇرت «باكاد» دەپ اتايتىن الىپ قۇرىلىستىڭ العاشقى ناتيجەسى الداعى 4 جىل ىشىندە بەلگىلى بولماق. ال جولدىڭ تولىق دايىن بولۋى 2036 جىلعا دەيىن سوزىلادى ەكەن. دەمەك, ەلىمىزدىڭ وڭتۇستىگى مەن شىعىسىن جالعاپ جاتقان جەتىسۋ جولدارىنىڭ ماڭىزى ارتا بەرمەك.

الماتى وبلىسى