اقپارات جانە قوعامدىق دامۋ ءمينيسترى داۋرەن اباەۆتىڭ توراعالىعىمەن ۇەۇ-مەن ءوزارا ءىس-قيمىل جونىندەگى ۇيلەستىرۋ كەڭەسىنىڭ كەزەكتى وتىرىسى ءوتتى.
كەڭەس وتىرىسىن اشا وتىرىپ, د.اباەۆ مەملەكەت باسشىسىنىڭ قازاقستان حالقىنا جولداۋىندا ايتىلعان تاپسىرمالارىن جۇزەگە اسىرۋ بويىنشا جۇمىستار جۇرگىزەتىنىن, وسىعان بايلانىستى كەڭەس وتىرىسىنىڭ كۇن ءتارتىبى جولداۋدىڭ وزەكتى ترەندتەرى بويىنشا قۇرىلعانىن اتاپ ءوتتى.
«قاسىم-جومارت توقاەۆ ءوز جولداۋىندا الەۋمەتتىك ساياسات پەن ازاماتتىق سەكتوردى دامىتۋعا باسا نازار اۋداردى. وسىعان بايلانىستى مەملەكەتتىك ورگاندار مەن جۇرتشىلىق وكىلدەرىنىڭ مەملەكەتتىك ورگانداردىڭ حالىقپەن ءوزارا ءىس-قيمىل مەحانيزمدەرىن جەتىلدىرۋدەگى بىرلەسكەن جۇمىسى قاجەت بولىپ وتىر», دەپ اتاپ ءوتتى د.اباەۆ.
كەڭەس وتىرىسىنا قاتىسۋشىلار قىلمىستىق-اتقارۋ جۇيەسىن دامىتۋدىڭ 2019 - 2023 جىلدارعا ارنالعان جول كارتاسىن جانە پوليتسيا قىزمەتىنە قوعامدىق باقىلاۋدى كۇشەيتۋ جونىندەگى جول كارتاسىن ىسكە اسىرۋ, ازاماتتىق باقىلاۋ قۇرالدارىن ەنگىزۋ جانە مەملەكەتتىك فۋنكتسيالاردى كوممەرتسيالىق ەمەس سەكتورعا بەرۋ ماسەلەلەرىن تالقىلادى.
سونداي-اق اقپارات جانە قوعامدىق دامۋ مينيسترلىگى 2025 جىلعا دەيىن ازاماتتىق قوعامدى دامىتۋ تۇجىرىمداماسىنىڭ جوباسىندا ۇەۇ, قوعامدىق كەڭەستەر, ساراپتامالىق قوعامداستىق, ازاماتتىق بەلسەندىلەردى كەڭىنەن تارتا وتىرىپ, ازاماتتىق باقىلاۋ جۇيەسىن ەنگىزۋ, مەملەكەتتىك فۋنكتسيالاردى ۇكىمەتتىك ەمەس سەكتورعا بەرۋ پروتسەسىنىڭ بەلسەندى فازاسىنا كوشۋ جانە ت.ب. شارالار كوزدەلگەنىن حابارلايدى.
نەگىزگى بايانداماشىلار «قازاقستاندا پارلامەنتاريزمدى دامىتۋ قورى» قق پرەزيدەنتى, «دەسەنتا» قق ديرەكتورى, سىبايلاس جەمقورلىققا قارسى ءىس-قيمىل اگەنتتىگىنىڭ, ۇلتتىق ەكونوميكا, دەنساۋلىق ساقتاۋ مينيسترلىكتەرىنىڭ وكىلدەرى بولدى.
كەڭەس وتىرىسىنىڭ جۇمىسىنا ءىرى ۇەۇ باسشىلارى مەن ورتالىق مەملەكەتتىك ورگانداردىڭ وكىلدەرى قاتىستى. سونداي-اق كەڭەس وتىرىسىنا بەينەكونفەرەنتسيا بايلانىسى رەجىمىندە وڭىرلەر قوسىلدى.
اقدم جانىنداعى ۇيلەستىرۋ كەڭەسى وتىرىسىنىڭ قورىتىندىسى بويىنشا ۇەۇ مەن مەملەكەتتىك ورگانداردىڭ ءوزارا ءىس-قيمىلىن ودان ءارى جەتىلدىرۋ بويىنشا ۇسىنىستار ازىرلەندى.