سەناتور ەربولات مۇقاەۆ تمد پاا مادەنيەت, اقپارات, تۋريزم جانە سپورت جونىندەگى تۇراقتى كوميسسياسىنىڭ وتىرىسىنا قاتىستى. بۇل تۋرالى پارلامەنت-سەناتىنىڭ ءباسپاسوز قىزمەتى حابارلادى.
وتىرىسقا قاتىسۋشىلار كوميسسيا قاراۋىندا ازىرلەنىپ جاتقان قۇقىقتىق ۇلگى قۇجاتتاردىڭ جوبالارىن قارادى. «ترانسشەكارالىق اقپارات الماسۋ كەزىندە ەلەكتروندىق نىساندا نوتارياتتىق ءىس-قيمىل جاساۋ تۋرالى» جانە «الەۋمەتتىك تۋريزم تۋرالى» ۇلگى زاڭ جوبالارى تۇتاستاي ماقۇلداندى. كوميسسيا مۇشەلەرى وسى زاڭ جوبالارى تۋرالى ماسەلەلەردى پارلامەنتتىك دەلەگاتسيالاردىڭ تالقىلاۋى ءۇشىن تمد پاا كەزەكتى جالپى وتىرىسىنىڭ كۇن تارتىبىنە ەنگىزۋ تۋرالى تمد پاا كەڭەسىنە ءوتىنىش جاساۋعا شەشىم قابىلدادى.
وتىرىسقا قاتىسۋشىلار «تسيفرلىق دامۋ تۋرالى» ۇلگى زاڭ جوباسىنىڭ جۇمىس بارىسىن تالقىلاي كەلىپ ساراپتامالىق قورىتىندى الۋ ءۇشىن ونى دوستاستىقتىڭ بايلانىس سالاسىنداعى ايماقتىق اتقارۋ كوميتەتىنە, تمد پاا – ابد ساراپتاۋ كەڭەسىنە جانە باسقا دا مامانداندىرىلعان ۇيىمدارعا جىبەرۋ تۋرالى قاۋلى قابىلدادى.
تمد-عا قاتىسۋشى مەملەكەتتەردىڭ مادەني مۇرا وبەكتىلەرىن ساقتاۋ تۋرالى كونۆەنتسياسىنىڭ جوباسى كوميسسيا وتىرىسىندا ايتىلعان ەسكەرتۋلەر مەن ۇسىنىستاردى ەنگىزۋ جانە تمد پاا كەڭەسىنىڭ وتىرىسىنا شىعارۋعا تۇپكىلىكتى دايىنداۋ ءۇشىن ازىرلەۋشىلەرگە جىبەرىلدى.
سونداي-اق كوميسسيا مۇشەلەرى 2016-2020 جىلدارعا ارنالعان تاۋەلسىز مەملەكەتتەر دوستاستىعىنداعى ۇلگى زاڭ شىعارۋدىڭ كەلەشەكتەگى جوسپارىنىڭ ورىندالۋ قورىتىندىلارىن; تاۋەلسىز مەملەكەتتەر دوستاستىعىنداعى 2020-2022 جىلدارعا ارنالعان ۇلگى زاڭ شىعارۋدىڭ كەلەشەك جوسپارىنا ۇسىنىستاردى; كوميسسيانىڭ باستاماسى بويىنشا تمد پاا قابىلداعان ۇلگى زاڭنامالىق اكتىلەردى پايدالانۋ تۋرالى جانە ءازىربايجان رەسپۋبليكاسى ميللي مەدجليسىنىڭ زاڭ شىعارۋ قىزمەتى تۋرالى اقپاراتتاردى جانە باسقا دا بىرقاتار ماسەلەلەردى تالقىلادى.